哈哈,盡全力去教訓佢老母

嘩~~ 吊埋羅太:smile_o12: :smile_o12:

七不思議食女事件 Vol. 46

豈知，羅太一閃身，避開我既轟隆，反手一個乾坤大挪移，將我順勢推開。眼前呢個女人，睇怕並唔係好似AV入面義母相姦、慾求不滿既MILF咁簡單。只怪我太天真，以為玄鐵重劍一出，就可馴服呢個女人，等我返番去牧子既身邊，幸福快樂生活落去。

「搞完我個女，就想搞我？你以為真係咁容易？」羅太對住我笑意嫣然，黑色眼影之下，假眼睫毛末端，泛起半寸魚尾紋，冷豔得令我心寒。我望住佢會說話既眼珠，望唔透佢城府到底有幾深。

「唔係，我以為……」對住呢隻老狐狸，食女無數既浪子，都被玩弄於股掌之中。

「你識左阿予幾耐？」羅太忽然收起笑容，一面臉正經咁問我。

「我諗……個零月啦。」

「你覺得佢個人點？」

「阿予個人幾好，人又靚，應該好多人追啦。」

「咁你鐘唔鐘意佢？諗唔諗住同佢係埋一齊？」羅太直截了當，大腳斬入禁區，形成單刀之勢。

「講個故事你知。你有無聽過The Flying Dutchman?傳說入面，有個船長將自己既靈魂同賭輸左俾魔鬼，令佢呢隻名為The Flying Dutchman既船，被詛咒要係北海來回往返，永遠無法泊岸。我就係呢隻船，我無辦法認真愛上一個人，無辦法停落黎。我認我鐘意過你個女，但係感情無左，就係無左。」我情意真摯，引用歐洲神話傳說，大腳解圍。

「你話你唔鐘意佢，咁點解我將你地鎖埋一齊，你又搞佢？」羅太邏輯混亂，將屌肉體與屌感情混為一談。

「總知，我唔鐘意你個女，得未？」

「你知唔知邊個施立毅？」羅太話鋒一轉，竟然講起佢個女既前男友。

「我知，係阿予個前男友，佢經常都提起呢個名。」

「阿予識左你之後，成日同我講起你，又話你識寫野，人又好，諸如此類，逐漸無成日提呢個姓施既。」講到呢到，羅太雙眼通紅，伸手去拎紙巾，抹去眼角既淚水，然後繼續講：「你知唔知點解佢會搞成咁？上年我老公Cancer過身，已經令好傷心，呢個姓施既賤人，竟然係呢個咁艱難既時候，背住我個女，同第二個女人搞三搞四，點知俾我個女撞到正。」我聽到呢到，啞口無言，原來係冰室打工，開朗活潑，會成部電話俾我既阿予，背後竟有個咁悲慘既故事。
羅太講到激動處，雙手暗暗抖動，從房中酒櫃，拎出紅酒，一路隊自己，一路講落去：「個死佬都對我唔好，成日同出面個賓妹藕斷絲連，以為我唔知，當我係白痴。我特登扮唔知，留呢個賓妹係身邊，得閒就虐待下佢，幾爽，幾過癮呀！Marvin，你想唔想打佢，我叫佢過黎俾你打patpat……」羅太情緒激動，東拉西扯，無啦啦講起屋企個賓妹。

「唔駛喇，打賓妹patpat，我試過喇。」我講出荒謬既真相，圖緩和羅太既悲傷。羅太聽罷，笑住咁講：「乜你都試過.......真係曳呀你。係，岩岩講到姓施既。雖然阿予老豆對我唔好，但係佢最鍚係佢個女，阿予細個要乜，佢就買乜，成日騎住佢老豆膊馬，一齊去買玩具。佢就咁走左，阿予已經好唔開心，呢個姓施既賤人，咁樣對我個女，搞到我個女人唔似人，鬼唔似鬼，成日有幻覺，以為上個月死老豆同埋分手，明明個死佬已經死左成年喇！」

「唔好飲咁多啦，對身體唔好。」聽到呢到，無比心酸，令我再無法惱怒羅太，亦令我明白，點解阿予對施立毅既離離合合，前言不對後語。我伸手去隔褲偷摸玄鐵重劍，只覺阿予體液尚濕濕膩膩，心裡一陣愧疚，阿予對我一片痴心，而我對佢，只不過係消費寂寞既遊擊炮兵，屌肉體，不屌感情。

「你估我係你呀？俾少少春藥你食，就控制唔到自己，搞我個女！哈哈哈哈哈……所有男人都係咸濕！賤格！假道學！」羅太鄙視既眼神，教我無地自容，我從來都無咁樣被人睇唔起過。

「阿予有病之後，考完DSE，成日係屋企睇王家衛。我見阿予咁鐘意《重慶森林》，就叫佢去親戚開既冰室打工，等佢扮下王菲，唔駛成日鬱埋係屋企，睇埋D唔知講咩既垃圾戲。佢有一日返黎同我講，話有個男仔，日日坐係到寫小說，要想識佢，又話自己等到周慕雲。點知你都係同嗰個姓施既一般貨式！」羅太越講越激動，搞到十八號走左入黎，拉埋度門，免得被阿予聽到。

「我唔係有心玩阿予……」我想解釋，但轉念之間，知道無論我點講，我都係呃西屌，呃感情既罪人，所以我決定收聲。

「總知阿予真係最鐘意你。我唔理你鐘唔鐘意佢，總知你而家搞左我個女，就要負責任，同佢起埋一齊，如果唔係，我一定會報警拉你，賓妹會做證，你實走唔甩。」羅太老母愛女成狂，用極端手段招女婿，惡過華秀隻狗。

「我唔得架，真係唔得，其實我已經……」當我正想將我女朋友既事實和盤托出，羅太忽然捉住我隻手，嬌柔萬狀咁講：「你要幾多錢，你開聲，只要你俾到幸福我個女，我第時兩腳一伸，呢個單位就係你同阿女既，阿女淨係鐘意你一個咋Marvin，我個女有邊忽襯你唔起？你講？你講？」

呢個不可能拒絕既Offer，的確比教父入面既馬首，更加震撼，我諗起借Grant Loan時，職員姐姐既閪口閪面，無法畢業既細佬，雙鬢漸白既老母同德仔，畢業既茫茫不知，北角城市花園既地契，突然間聳立起黎，變得千萬丈高，向我壓下來。

(阿仔，第時華富就拆，我地要搵屋搬喇，慳d洗呀。搵到工未呀？你本小說寫完未呀？有幾錢版稅呀？係咪會好似人地小巴小說咁，拍電影呀？你袋幾多錢呀？細佬聽日落7-11打工喇。唔好溝女買衫喇。得閒叫牧子上黎食飯啦。牧子而家做緊咩呀？)

一陣邪惡既念頭，我雖知自己仆街，但又係心中掠過：牧子始終係雞，口講唔靠男人，咪又係靠男人搵食，住契哥到，做私影妹，明明讀到大學，點解唔靠補習賺錢？

想到最仆街之處，我忍唔住怒轟自己額頭，將邪惡既思緒，好似神打一樣，統統轟晒出黎。

「唔駛打自己既，如果你唔想等咁耐既，我開張支票俾你，拎住十萬八萬洗住先，好唔好，黎，俾你中英文全名我，我而家就寫俾你……」

眼前既羅太，比起畢業生入面既Mrs Robinson更加誘人，萬惡既支票飄浮於北角城市花園大宅，讀者看倌，你說我該如何是好？

(未完待續)

你say no, 羅太都唔會報警, 佢唔會想見到個女鍾意嘅男子俾差人拉, 重要係佢自己報警

作為讀者的我梗係想陳納邦同牧子一齊啦

不可思意!!!! 選擇有情有意的牧子吧~如果你食過迷藥~驗尿應該可以還你清白

要牧子 要牧子 要牧子:smile_38:

誓不低頭...

揀牧子...

簡阿予囉  橫掂你跟本唔係鐘意牧子，唔好浪費人地青春啦
講真賤人你成日做，唔爭在做多次
你依個人高傲自負，貪新忘舊   唔好再hurt愛你既人啦 得閒聽下林德信個首《新婚快樂》
你 他朝一日可能都只係咁

七不思議食女事件 Vol. 47

接過支票既，係麥可，並唔係陳納邦。

我不厭其煩強調，世事往往由巧合拼湊而成。當日於灣仔百佳，我浪子自尊心作祟，不認納邦宿娼，故化名「麥可」幫襯牧子。北角城市花園大宅，係我接過支票既一剎，斗轉星移，化成紐約既Little Italy，羅太遭「教父」馬龍白蘭度靈魂附體，Give me, 麥可, an offer I cannot refuse。

電影教父入面，阿爾柏仙奴所飾既「麥可」，長兄遇弒、次兄無能，嬌妻遭炸死，被逼從西西里島既美麗傳說夢醒，墮入紐約街頭情仇，挑起家族大樑。憶起屋企既困窘，港大麥可接過英皇道教父既支票，銀碼閃閃生輝，耀眼得令麥可睇唔到葡國魂既傳說，風雨相隨既牧子。

「拿，咁就乖喇，你以後入左我門，生第一個仔，要跟我姓，等佢死鬼老豆有後。至於你之後再生唔生仔，就由得你話事喇。我見你都幾正經，有你照顧阿予，我都安心喇，今晚你唔趕既，就係到訓啦。」羅太見我將支票收入銀包，呼一口氣，好似了結左件心事。

「好啦，我唔阻你休息，我返去搵阿予先。」飯已食，錢已袋，女已砌，食唔晒仲要打包行街，但我內心卻無比空虛，諗起牧子，真係唔知點收科，奇遇往往發生係我身上。

「不過，如果你反口既話，你要記得今日發生過既事，我一定唔放過你。」羅太說話之際，眼神陰毒，叫我不敢直視。

我支票袋袋平安，含糊過去，到阿予間房，見到佢陰西神力尚未散去，仲軟癱係床上。我思緒打結，只求擁抱，不求色慾，關上門，一野就跳上床，攬住左阿予。

我借來既熱情驚醒左阿予，令佢悠悠醒轉。一張眼見到周慕雲，阿予攬住我手臂，笑笑口咁講：「你去左邊呀？岩岩你搞到人地好舒服，我成年無試過喇。」

「你高興就好。」阿予環抱我既頸項，幽香無比、溫柔萬狀，小眼睛浸滿借來既幸福，佢可憐既身世，不穩既精神，令我憶起痴線既Larcos，同埋當日係冰室吊扇既轉呀轉，佢將加料雞翼公遞比我，中環渡輪遭我一野轟落去，我心中立時鳩硬心軟，忍唔住鍚左佢額頭一啖。

城市花園一役之前，我以為男人既心好似Pizza一樣，日削月割，只能同時分俾唔同既女人，使得佢地分得其中幾分之幾。經此一役，我先發覺，浪子既心非凡品，可以對每個女人都投入相等份量既感情，令佢地人人都有完整既Pizza。

「應承我好唔好，無論如何點，你都唔好離開我好唔好？我好唔鐘意講再見，上年我阿爸粒聲唔出就走左，我真係好掛住佢。」阿予將我摟得越黎越緊。

「唔緊要啦，你阿媽咁鍚你，佢一定會好好照顧你。」我掃一掃阿予既頭髮，語帶雙關咁安慰佢。一講起佢老母，阿予神情極哀傷：「我阿媽都唔知挨得幾耐，佢有Cancer，係到死頂咋。我知我遲早都要同佢講再見，但係未免早左少少。嗰d呃我既人唔死，鍚我既人就全部咁短命。Marvin，你唔好呃我，唔好離開我好唔好，我真係好鐘意你，唔想同你講再見。」

阿予用手指掃我既眼睫毛，滿臉幸福咁講：「你d眼睫毛好長，好似我Daddy。我細個嗰陣，成日數佢d眼睫毛，Daddy話，一旦數完，佢就會歸西，點知原來係真架。

「Marvin，我唔會數你d眼睫毛架，放心啦。」阿予講起佢老豆，情緒又開始激動：「細個嗰陣，Daddy個生意唔好，搞到我成日搬屋轉校，經歷無數離別。但係今次，你可唔可以唔好同我講拜拜？」歡樂趣，離別苦，就中更有痴兒女。阿予眼神痴心得叫人慚愧，令我呢個採花既浪子，心中一陣悲涼，為呢個荒謬家庭，為可憐既母女，增添了許多歲月。

鴻門夜宴之時，我以為呢個不過係尋常AV情節，母女3P笑呵呵，淫人妻女又如何，豈料人生無常，生命短促，令羅太不得不手段百出，急急託孤於我呢個輕浮浪子。望住阿予嬌美既臉龐，我柔情漸生，陰西神功暗運上腦，一野就轟落去，係城市花園大球場，踢埋既下半場。

世界花多眼亂，痴兒女更不少。我鍚下鍚下，將佢既熱褲褪下，拎劍轟隆佢，阿予既龍門，緊緊包住玄鐵重劍，我一路砌，一時諗起牧子，一時諗起阿予，一時諗起老母，一時諗起細佬，百般滋味在心頭，轟到最精妙處，我再忍唔住派彩，射出既唔係精液，係一篤濃濃既感情。

阿予用紙巾抹去撒係佢身上既子孫，令紙巾一片泛黃。泛黃既子孫，唔係熱氣，係才氣縱橫既大文豪眼中，反倒象徵與牧子未知會否凋謝既感情。阿予將濕膩既紙巾，緩緩放落垃圾桶，紙巾係半空徐徐飄落，一片腥臭，連同情感埋葬於桶，像林黛玉葬花。

驀地，檯上電話響起，螢幕顯示牧子與我親蜜合照，阿予一臉茫然、兩眼通紅，電話作響不停，我強裝冷靜，一手與阿予十指緊扣，一手接聽左牧子來電，用三寸不爛之舌，逆轉屌感情雙飛死局。

(未完待續)

阿予好， 牧子也好，最好買定離手...