Chapter 2.2
年宵之後，我同包包一直保持聯絡，由於她要準備會考，所以一直沒有再見面。但我們繼續不時響討論區同msn吹水。上次年宵我留左個好好既印象俾佢，所以我們傾既話題愈來愈多，包括感情生活，有時亦會傾到性方面。
包包一直響女校讀書，從未同男仔拍過拖，年多前曾有TB 追求佢，佢因為一時感動而同個TB 一齊左幾星期，期間有過親密既身體接觸。包包自此之後對性不單止好奇，某程度有點響往。
有一日，包包問我除左佢之外有冇約過其他網友出黎。我如實告訴她只有三數次。隨口反問一下：「妳呢？」佢卻欲言又止，我見佢講得吞吞吐吐，就繼續追問。
原來上星期包包同網上另一個男仔約過佢出黎見面，個男仔我都識，佢叫JJ，係響英國讀醫既留學生，近排放暑假返香港。包包知道我同JJ好傾得埋，所以唔知點開口同我講。
我同JJ響討論區可算是小數互相誠心佩服對方的男性朋友，佢身為準醫生，出身醫護世家但並無架子，坦率且平易近人。諗起 JJ曾經響包包面前誇獎我博學，不其然佩服佢心胸廣闊。須知要一個男人響自己心儀女性面前稱讚另一個男人係一件絕對困難既事。
包包繼續講，佢同JJ出過兩次街，都只係飲野傾計。不過第二次約會時，JJ竟然向包包表白，之後仲想拖佢隻手。我心裡面一突，估唔到JJ平時咁文質彬彬，追起女仔都幾大膽。
我有d 失落，問：「妳接受左佢？」「你覺得呢？」「佢係醫生，接受都好正常。」「……」
大家停左一停，佢繼續講：「我同佢講我已經有男朋友。」
「哈哈！竟然…」我的失落感更強。
「個人佢都識。」包包開始笑。
「咁我識唔識？」我有點驚訝。
「我同佢講係你呀！」包包得意忘形地大笑，我啞然失笑：「佢竟然信？」。
包包收起笑聲：「佢講一句『難怪』，之後一直到宜家都冇再煩我喇。」我仍然感覺到佢正在偷笑。
我開始明白發生咩事：「件事幾時發生架？」「上星期六囉！」
「唔怪得成星期都唔見JJ上網，完來係妳做既好事。」
「咩喎……我仲諗住益下你，如果佢唔信既話，我會叫你扮我男朋友拖住手同佢出街。」
我當時真係唔知好嬲定好笑。
嬲佢搵我做擋箭牌？開心連一個條件咁好既男仔都唔夠我爭？NO NO NO…
最確定既就係，有舊心頭大石從心頭消失。
「又唔使咁麻煩，如果妳真係想拖住我出街的話，隨時都可以既。」我試探一下。
「哈哈..…. 依家唔使喇，唔使益你。」
就係咁，我冇左一個投緣既醫生朋友，JJ自此之後都冇再響討論區出現。
同一日我同包包既關係亦愈來愈曖昧。
