我隻手好唔聽駛, 好唔自然發左個MESSAGE比A"你在那...?" 因為我有點擔心佢, 過左好耐, 佢都無回應我, 思前想後, 我決定打比佢, 但係電話一直無人接. 果一刻, 我有D唔知點做, 就係呢個時候, 收到佢回MESSAGE "你不是拒絕了我嗎?" 女人就係咁, 好多野都喜歡混為一談, 我擔心佢同拒絕佢係兩樣野. 見佢問非所答, 我又再一次嘗試打比佢, 咁次接通左 :-
我 : 你在那?
A : 你問這個幹嗎?
我 : 你在那? (我聽到佢果面好嘈.........)
A : 我自己有自己的生活呀
我 : 我最後問你一次, 你在那 (我把聲好平靜, 但聽得出好嚴厲......)
A : 你就是一定要這樣對我兇惡是嗎?
我 : 你一直回避我給你的問題
A : 我在跟朋友在酒吧 (佢表現得有點軟化)
我 : 在那裡, 我來找你
A : 不必要了, 我想我們應該冷靜一下
我 : 那OK, 你自己小心點.
講完我收左佢線, 既然佢唔想講去左邊, 我迫佢都無作用, 佢同朋友去左飲酒, 相信問題不大, 再者, 佢係一個好有自己思想既人, 我想清楚其實擔心佢根本有點多餘. 既然我自己心意已決, 咁我無再理就開始做野 (問心, 其實一路做一路掛住佢). 夜深, 我完成工作後亦上床休息, 心想佢亦都應該返左屋企. 我無打算再打比佢了解情況.
就係我瞓著同時, 我比一個來電嘈醒, A打來, 聲線明顯有點酒醉 :-
A : 我很想你呀....... (有點含糊......)
我 : 什麼?
A : 我很想你呀...........
我 : 你在那呀
A : 我在酒吧........很想你
我 : 你醉了吧?
A : 我沒醉, 沒........有點暈
我 : 怎麼要這樣 (我自己成日醉, 所以好怕見人醉)
A : 我很想你........就是很想你
我 : 你在那?
A : 我不要告訴你 (又係度玩野)
我 : 你在那, 我來找你
A : .......... (無出聲)
我 : 你在那, 我來找你, 有聽到嗎
最終A話左我知係邊, 原來係我APARTMENT附近, 我換衫就出發去接佢. 去到酒吧, 見到佢同另外兩男一女一齊, D人我都唔認識既. 其餘D人看來, 都已經飲醉左, 4個人都語無倫次咁, 我行去A度, 佢見到我, 目無表情, 我同佢講"別再鬧了, 我跟你回去吧" 講完我就打算扶起佢, 同佢走, 點知佢另外三個朋友因為唔認識我阻止我, 差少少就大打出手, 最終酒吧既服務員來阻止, 同埋A亦都好混亂咁解釋左 "他是我男朋友, 沒事, 沒事" 我幾時變左已經係佢男朋友呢?
我扶住呢個醉酒婦, 果一刻有少少後悔, 覺得唔應該來接佢(點解我會咁覺得, 因為未真正開始就已經出呢D問題, 日後會點呢!?) 我扶住佢, 本想同佢返去, 但係佢又嘔又企唔隱, 我最終同佢返左自己APARTMENT, 係的士上面, 佢嘔到我一身都係..........唉!
好辛苦, 我終於同佢返到去, 我先扶左佢坐係沙發上面, 因為我怕佢又嘔(記得嘔既醉酒佬, 千奇唔好比佢瞓低, 唔係佢地嘔時有可能會因此窒息), 其次我亦放好一個垃圾筒係旁邊, 等佢隨時可以用. 我拿左一條熱毛布放左係佢額頭. 之後我先入去清潔一下自己. 出到來, 佢已經又嘔到一地都係, 並且又坐唔正. 我再一次扶正佢坐好, 跟手係雪櫃拿左枝甜野比佢, 就扶佢入洗手間, 我比佢慢慢飲, 之後無耐佢就又嘔過. 嘔完後, 我幫佢除左D衫, 我第一次幫A除衫, UNDERWEAR無除, 我拿熱毛巾幫佢抹身, 之後就扶佢上床. 望住安靜瞓係我床上既A, 果一刻, 我真係唔知應該講什麼好.................
果晚我係沙發瞓, 瞓得唔太好, 瞓下醒下, 終於到天光, A開始有點清醒, 我拿水比佢飲 :-
我 : 你覺得怎樣?
A : 頭好痛, 嘴巴很乾
我 : 酒醉就是這樣呀
A : SORRY
我 : 沒事, 你先休息, 時間還早
A : 昨晚我煩了你
我 : 還好啦, 沒事, 不要說了, 先休息
A伸出手拖住我, 唔比我離開, 我望住佢, 唔知點解覺得佢呢一刻個樣好可愛, 我跪係床邊, 一隻手攬住佢..............待續!
