職場二三事 (上海編)#1#13#20
上海，一個我經常出入嘅城市，一個墜落得恐怖嘅地方，相信好多人都睇過唔少大陸外泄視頻，係我黎講可以話俾大家知，呢D其實都係冰山一角！
係大陸，我認為最咸濕賤格都係四十幾五十歲嘅阿叔，好多都係近十年八年先暴發起黎，我前任老闆吹水講過，最要防就係呢個年紀嘅人，呢點真係無錯，十個阿叔七個咸濕加兩個咸夾賤，剩低果個都係咸濕不過唔會俾人知架咋！
係大陸應酬，當食飯，飲酒或者唱歌唔係一般飯店或娛樂場所，而係私人會所或者東家私人地方好似別墅咁，果個應酬就"幾乎"一定有野，有咩野就要睇下東家有幾賤格！
小妹見識過幾次都睇到眼定定，不過仲把持到，而且老闆真係幾錫我，佢唔沉迷呢家野仲保護我！
入正題
係一次上海出差，有一個飯局老闆話人地點名叫埋我去，除左去BALL或者自己公司聯誼老闆極少要求晚飯應酬一定要我去，隨口問下點解，老闆話乜總想介紹個男仔俾我，真係想暈低，果陣先26歲老闆都知道我仲有拖拍緊，點解仲搞相睇呢家野，老闆叫我俾面佢應酬下人，都係應酬咁一齊去左！
果晚認識左A先生，佢係乜總姪仔，澳洲讀書，佢媽媽係廣西人所以識少少白話，英文都幾掂架，樣一般般順眼乾淨唔算咩野靚仔30歲多D到，斯文有少少學識FEEL果類，果晚我著半寸踭(其實我老闆都係高我DD咁多，除左去BALL我嘅鞋幾乎都係半寸踭)阿A都係勉強去到我膊頭！！
背景就唔講喇，見過佢揸兩架唔同色嘅波子，仲有無其他就唔知道！
乜總果晚一見面就介紹A俾我識，食到咁上下就就叫A帶我出去玩，而A都好主動同我傾計，佢唔算好傾得，可能係外國讀過書，說話比好多大陸佬斯文，而且佢同我都睇美劇，ER，HERO, CSI系列，連當時比較冷門嘅LEVERAGE佢都有睇，講下講下，佢提議係法租界有間餐廳有自釀啤酒(都幾出名有興趣自己GOOGLE下)食完飯就去飲杯野！
係上海我一個人無咩朋友而且無夜浦習慣，食完飯都係七八點，難得阿A帶路我都無問題，老闆話同乜總有野傾叫我自己搞掂，其實大家都心知，老闆點都要應酬下乜總個相睇心願，出去行下認識了解下先係全套！
題外話: 值得紀念嘅係，第一次坐波子！
待續。。。。。。
[ 本帖最後由 恩TT恩 於 2013-12-11 11:26 PM 編輯 ]
