故事來到三年幾前, 當時我快38歲. 那個時候我要努力開拓業務, 除了中港外, 亦會涉足日本, 韓國及台灣, 由於文化上的差異, 日本及韓國係業務發展方面, 確實好唔理想, 其次投入感亦唔強. 但係反觀台灣, 文化上距離比較近, 言語上溝通亦相對容易, 最終我全力去開發台灣市場. 港台兩邊走, 有時留三幾日, 有時半個月, 在這個工作的旅程上, 我遇到這個人.......A.
A是台灣人, 30歲單身, 長頭髮約173cm, 樣貌清爽, 喜歡淡妝, 瘦身材, 女強人本色. 同佢認識其實係好多年前的事, 當時佢係我地一間partnership公司入面做台灣駐香港trainer, 因為工作上有交往所以認識. 之後佢返左台灣繼續係同一間公司工作, 再之後離職去左另一間公司. 佢離職後大家仍不時有聯絡, 保持普通朋友關係, 只限紙上談兵!
佢工作上非常有原則, 亦都好投入, 雖然佢工作上表現得好女強人, 但佢對人亦都好圓滑, 男男女女朋友一大堆(唔似得H咁.....), 呢個係我表面上認識的A, 真正係點, 無深交, 當時唔知. 同A見返面, 要追溯返三年幾前, 剛開始發展台灣這個地方的日子.
剛開始, 我對台灣唔太熟, 熟只限於旅遊點. 公司租左APARTMENT係信義區, 一個沖滿時代步伐同商業飲食之地區. 頭幾次待在台灣, 我都專注於工作上, 收工後都會返到自己住的地方, 自己煮野食同工作, 信義附近的花花世界, 對我來說, 好像是絕緣, 完全沒有吸引到我的空間.
好多人覺得, 台灣女性, 好吸引, 說話溫柔, 樣靚身材正, 對於我來講, 其實我剛好相反, 我唔係好接受, 我最怕溫柔, 嬌媚, 因為我總係覺得唔實在, 所以係台灣我都女性保持距離, 自己知自己事, 無必要既野就免了.
係一個下午, 我身在香港, 我收到A來電, 係請教我一些工作上問題, 我當然樂意交流, 談論工作後, 亦好自然講到近況, 我提到近來開發台灣市場, 佢亦都輕輕帶過, 下次去台灣就搵佢食飯聚舊.
無幾耐後, 我又要台灣之行, 到達當地, 我再次投入工作, 直到星期六, 因為其他公司都係休息, 所以我亦都享有一個休閒星期六, 我到處去, 一個人, 享受工作外之休閒, 時近中午, 正在想享用什麼美食之時, 腦海突然升起了A這個人, 我給她打了個電話, 相約出來晚飯................待續
[ 本帖最後由 Alden72123 於 2013-12-11 03:16 PM 編輯 ]
