當我聽到H的聲線, 已估計到佢有事發生了, 我又原本準備戲皮笑臉的態度, 改為正經起來, 我故意壓低聲線 :-
我 : 你點呀, 無事嗎?
H : 我無野 (好明顯聽到有野囉)
我 : LUNCH得唔得閒? 我請你食LUNCH (明明係佢請我, 點解變左我提出請佢? 算啦…….)
H : 唉! 我唔太舒服, 我唔出啦
我 : 唔舒服去睇醫生啦, 公司又有得CLAIM, 唔好蝕比佢
H : 得啦, 我知, 唔講住, BYE~
我又一次比佢掛線, 但我無嬲佢, 因為我知道佢心情好差, 所以係LUNCH TIME, 我去買左一盒朱古力, 搵個OA送去比佢, 入面有將MEMO寫住”人唔開心解決唔到問題, 想提升個人EQ, 請吃一顆巧克力, 可以幫到你”
下午, 我正忙於工作, 手機響起, 是H打來, 她一把哭喪的聲音 :-
H : 好多謝你盒朱古力
我 : 傻啦, 唔駛多謝. 朱古力可以使人快樂, 如果佢幫到你的話, 我唔介意送多幾盒比你
H : 你知我唔開心? (低能都知啦)
我 : 好明顯啦, 小姐, 你唔開心把聲, 兩條街都聽到啦
H : 你有無時間, 出來TEA呀? 我下午OFF
我 : OK! 你係邊, 我去搵你 (其實我當時好忙, 我係唔應該拋下工作)
接過H後, 我同佢去左一間COFFEE SHOP, 遠離佢公司. 第一眼見到佢, 個樣有點失落, 已沒有那不可一世的外表, 有點像墮落凡間的天使. 我幫佢安排左一杯熱朱古力, 並要求入面加入大量綿花糖. 我自己就選了一杯EXPRESSO. 話題又再一次打開了 :-
我 : 點呀你, 有無什麼想講? 定係想靜下?
H : (靜左一陣)……….. 你幫我叫杯熱朱古力好甜呀
我 : 咁咪好囉, 等你無咁苦
H : 食什麼都無味啦……………
我 : 咁你嘔返落我個嘴度啦, 唔好浪費, 你咁環保
H
: 哈哈 (佢一聽笑左出黎)
我 : 快D啦, 快D嘔啦…..哈哈
我 : 笑咪好囉, 有咩需要咁慘既樣
H : …………….. (聽到我咁講, 又無出聲)
我 : 如果你唔MIND, 可以同我分享, 我唔一定幫到你, 但我會係一個好好既靈聽者(我等左好耐, H終於開腔)
H : 昨日………..佢郁手打我 (說時已經眼有淚光)
我 : 咁你有無受傷, 有無報警? (我當時其實好嬲, 男人點可以出手打女人, 我忍耐住心中團火, 先送上一張紙巾)
H : 我無咩, 係手臂瘀左, 無報警……………… (停左好耐)
H : 已經唔係第一次……….
我 : 其實你無必要忍佢 (的確係)
H : 佢已前唔係咁樣, 但自從讀MASTER之後, 佢個人就變到好爆燥
我 : 咁唔代表你要忍佢 (佢根本無答我問題)
H : 我無兄弟姊妹, 亦都唔想母親擔心,
我 : 你公司知唔知, 有無同其他同事講?
H : 我無呀, 你唔好講呀, 再者我同佢地關係一直都好一般 (的確, 佢同公司同事關係好一般, 特別係同WENDY)
我 : 咁你又同我講?
H : 我身邊只有一個年紀大過我既人, 就係你, 我諗你可以話我知應該點做! (即係話我係老餅啦, 唉………)
我 : 咁你離開佢囉 (我眼前一直硬既石頭, 呢一刻好軟弱, 完全兩個人, 因為一個郁手打自己既男朋友, 變成咁………)
H : 我唔會囉, 我唔想無左佢
我 : SORRY, 咁我幫你唔到 (當時我已經發緊火)
H : 你咁惡做咩? 我已經好慘啦
我 : 咁就好慘!? 無手無腳果D人咪要死左佢 (自從P之後, 我係感情上雖然混亂, 但有一部係好理性)
H : 你可唔可以呢個時候唔好咁惡呀? (佢軟化左)
我 : 我見到你咁, 我唔知講咩, 你男友郁手打你, 唔係第一次, 你還要選擇去忍, 叫人點幫你, 你返屋企搵佢吧啦, 唉………我真係唔想我眼中果個H小姐會係咁
H : 你都係走啦, 我自己解決
我 : 唔好咁啦, SORRY, 我答應你做你靈聽者 (我心軟, 唔捨得掉低佢)
H : 唔駛你對我咁好, 我自己解決, 你走啦
我 : SORRY………………… (過左好耐, 好耐…….)
H : 點解你對我咁好? (問得好正確, 我等你問我好耐啦)
我 : (我諗左好耐, 其實一早有個答案係心入面)……………. 因為你之前果份強硬的性格吸引我, 的確我對你係有好感.
此時, H抬頭望住我, 我自然又望住佢, 四目交投, 她眼中像有一些話要說, 但那天她最終沒有告訴我, 我安撫她後, 亦送她回家, 她提前下車, 免得給男友再一次發現, 在下車時, 她終於說”今日我地講既所有野都係秘密, 只有你知我知!”, 這代表什麼呢??????......待續
[ 本帖最後由 Alden72123 於 2013-12-3 02:15 PM 編輯 ]
