既然一場來到, 亦都預計H唔會來, 咁我自己就叫野食(正宗食自己), 所點的食物送來, 準備開餐之際, 石頭終於都來了(H太硬啦, 所以我叫佢做石頭), 佢一屁服坐下, 今晚化左一個比平明艷既妝, 好明顯用左EYE SHADOW, 一件灰色緊身針織樽領上衣, 下身一條NAVY BLUE SLIM CUT長褲, 一對平底鞋, SMART CASUAL好睇, 最總要係上圍乎之欲出(男人就係咁, 標點永遠係個胸).
佢來到時最初還是有點COOL, 坐下來面對我後, 就又是一臉奸笑, 我先打開話題 :-
我 : 你來左!? 又話唔到 (其實我一早預左佢會到, 但係無諗到會咁遲)
H : 唔歡迎呀? 咁我走囉!~~~
我 : 唔歡迎我就唔會一早到左啦, 見你一直無黎, 真係以為你唔到既, 所以叫左野食, SORRY
H : 攪錯呀, 遲少少都唔等
我 : 唔係唔等, 係等左成個鐘, 7點半啦小姐
H : 頭先有野整, 遲左走
我 : 唔好講住, 睇下想食咩, 叫左先
H : 你都叫左野食啦, 唔夠先算
我 : 我叫左我自己想食既野咋, 全部素食, 你唔駛客氣, 你叫啦
H : 都話食左先囉, 我又無話唔食素, 唔好浪費食物, 我個人好環保既
我 : 環保!? (果一刻, 我即時想, 你咁環保即係唔鐘意用膠”袋”)……暗自偷笑
H : 係! 我從來唔浪費D野既.
我 : 咁好啦, 我地邊食邊諗想加什麼食物啦
就是如此, 我兩的話題就打開了, 當晚得知, 她有一個男友, 還在修讀MASTER, 跟男友同居, 讀書時在女校讀, 屋企是單親家庭, 當然我亦有交代我的背景. 從對話中, 我真係好欣賞佢既爽直, 談話內容亦越來越輕鬆 :-
我 : 講真, 你知唔知自己講野好硬
H : 我知! 性格就係咁, 由細到大我都要好獨立, 到出來工作, 我更加要保護自己, 唔硬好易比人蝦(我好認同既, 係商業社會, 你軟弱就只會給人踩上心口)
我 : 咁你都唔駛對我咁硬啦, 我對你都好好呀, 又有禮貌
H : 你呀, 我開頭對你印象麻麻!
我 : 點解呢?
H : 你比人覺得你把口太甜, 我最唔鐘意D咁既男人, 同埋我覺得你得WENDY有野! (佢又再一次奸笑)
我 : 痴線啦, 我同WENDY有野, 你不如講我同你個老闆有路, 傻既………….
我 : 你知我既工作性質, 把口唔甜我生存唔到, 你自己都講, 你又硬先唔會比人蝦, 我亦都有我生存之道, 大家行條路唔一樣
H : 總之就唔太喜歡你果一TYPE,ANYWAY之後識落又對你唔太討厭既, 起碼你果次幫過我 (講時我見佢有少少面紅)
我 : 唔駛面紅喎, 反正又唔係D咩, 小事啦, 換住其他人我都會幫佢
H : 咁你係唔係同WENDY有路? 老實, 我一定唔會爆
我 : 無呀, 真係無呀, 工作無得選擇呀, 我結左婚人地又有老公, 根本就無可能……. (無可能先奇, 但我真係無同WENDY有野)
H : 世事無野無可能既, 有邊個知
就咁, 我地呢一餐食到餐廳打洋, 我亦扮晒GENTLEMAN送佢一程, 路上大家有講有笑, 好明確之前的隔膜已經打開……………..待續
