這次我想說的, 是一個情人. 一個陪我兩年的情人, 我就稱呼她H.
H比我年輕7年, 我跟她認識時, 我34歲, 她在一家日本公司任職ADMIN. OFFICER 我認識她時, 她已有一個要好的男朋友.
跟她第一次見面, 也是因為工作關係遇上(又係做野識, 次次都因利成便), 因為要到她們公司做PRESENTATION,整個安排都是由H做恊調. 她又是一頭短髮(可能因為P關係, 我對短頭髮有情意結, 哈哈), 可能日常面對工比較鎖碎關係, 她的態度認真的說, 是對人比較冷漠, 有點不拘言笑. 最重要係佢講野經常沒有尾音, 所以就使人覺得她絕不是一個容易交往的人. 還好, 她的樣子還不錯, 清透, 化淡妝下, 絕對是搭得杯落(日本人公司就有這樣好, 女生經常都有一定的質素)
在過去的一段時間透過電話跟她交往後, 這天我第一次到她們公司, 第一次拜訪, 我已準備了點小禮物給她, 那是友善表現, 第一眼, 我自我介紹後, 就先把禮物送上, 換的來是”咁客氣呀!? 我地公司唔收得禮物既, 你自己收返啦” 掘到呢……………我碰一鼻子灰. 之後她引領我到會議室, 我整理一下個人物件後, 她就問我”你今日個PRESENTATION有一個鐘時間, 你自己要留意, 我老闆時間好緊迫” 我一聽大驚”我同老闆秘書講左, 個PRESENTATION最少要兩小時……..”我話未說完, 她已經”你自己問返WENDY, 佢D野我唔清楚, 總之我幫你公司安排間房係一個鐘” 說完她轉身就走 (我可以好肯定, 佢同老闆秘書好唔妥”
那一天在老闆秘書的幫助下, 我最終解決左PRESENTATION時間問題, 在這家公司來來回回了不下十次, 最終亦將這個業務攪定了, 鬆一口氣.
係做得成生意下, 我亦都好識做, 送左幾個果籃, 朱古力等去這個客人公司. 其中一盒我特別送給H(我係故意的, 因為當日碰一鼻子灰, 我好勝心下, 更加想跟這個人打好關係), 禮物送去後, 我收到她們公司老闆秘書的電話來答謝. 偏偏那個H沒有半分反應, 那半辦法, 我忍(唔通打去問人收到開唔開心咩…)
在經過兩個月的合作後, 我也是時候到H的公司, REVIEW一下合作進度及意見. 這次我又見到H, 她一見我, 難得瞼上掛了一個笑容(係奸笑…….), 我友善的跟她問好, 她呢, 笑容背後不知在賣什麼藥, 只給我點頭, 就引著我去會議室, 我先打開話題”上次個PROJECT麻煩晒你, 要你幫我安排咁多野真係唔好意思” 她還是冷冷的”你要多謝就多謝WENDY,人地對你D野幾上………心……….呀~~”(好明顯, 話中有意.)我本能反應”我有同WENDY答謝既啦, 咁你都幫我好多. 所以都要當面答謝你.” 我說完後她又是奸笑一下就離開會議室. (呢個世界有D咁既人, 真係諗唔到日後我會同佢!)
有一天, 兩家公司又達成了一個新計劃, 我亦將正本合同派到H的公司待她們交老闆簽好合再送回來. 一等就等了兩天, 奇怪! 因為這個原因, 我亦打電話給老闆秘書了解情況, 答案時當天已退送回來了, 我再追問下, 文件是由ADMIN方面負責, 那我沒辦法下只又再找那個愛肝笑的H. 她聽到我的聲音, 照樣的冷淡, 我說明來意, 她才開始緊張起來”我果日SEND返比你地啦, 會唔會係你地整唔見呀?” 我很淡定”如果我地有收, 實有簽收, 你有無收到簽收?” 她聽完後沒反應, 只從電話中聽到她一直在找東西的聲音. 我估H一定是很緊張, 我呢本著報復的心場就加一把勁”會唔會你SEND錯左呀? 唔見就大件事啦, 個PROJECT月底前要開始啦, 入面還有所有報價係入面, 比其他人睇到個價錢就麻煩啦…..” (的確個PROJECT係月底開始, 不過係兩個月後既月底, 哈哈…….) 她聽完更急, 說話的聲音更大”你又知我SEND錯, 家下都未CONFIRM邊度唔見, 你收線先, 我搵到話你知, BYEBYE” 我都未講BYE BYE, H已經掛線!
過了一個上午, 我LUNCH後回公司, 電話來了, 是H, 佢態度有點改變”我諗份野唔見左.” 我未等她說完”咁就大件事囉, 家下完套ORIGINAL唔見晒, 你有無搵清楚? 我呢面都叫左公司D人再搵, 但真係無人收過” H更急”我真係搵唔到你公司張簽收, 現在可以點做?” 我照樣扮野”我都唔知, 一係我SEND多份比你, 你搵你老闆簽多次, 舊果份我報失, 但係咁樣我要出ANNOUNCEMENT去你公司, 寫明責任問題” 佢一聽大驚”要攪到咁大件事, 咁我實比公司嘈死!” 果一刻佢把聲壓到好低, 同平時好唔同, 我亦都心軟(唔好玩人玩得太過份, 大家都係搵食) 我扮晒穩重咁”咁啦, 你比我諗下辦法, 睇下點樣補救啦, 我再打比你…..” 其實問題唔難解決, 因為我同秘書WENDY好熟, 我可以直接同秘書講, 我地公司有人唔見左份合同,要求佢老闆再簽一次, 當然只係睇呢個人情我賣唔賣比H.
事情就這樣, 我選擇賣人情給H(唔係我都唔會同佢有進一步…..), 第二日H住動打比我”點呀? 有無辦法呀? 我真係搵唔返份野呀!” 我很鎮定”我重諗緊呀, 要D時間, 我再打比你, 我都煩緊, SORRY” 如是者過了數天, H見我沒反應, 又打來給我”究竟點呀? 份文件係唔係搵返呀? 定係點呀?” 我照樣”真係搵唔到呀, SORRY, 同埋………..”我話未說完H又插咀”咁你諗到辦法未呀?” 我好平靜咁答佢”我已經解決左啦, 無問題啦” 佢一聽之下喜”你解決左? 講真既? 點解你唔講呀? 你知唔知我擔心左好多日呀?”我笑起上來”哈哈, 昨日我打比你, 想同你講, 你唔係位, 之後我忙記左, SORRYSORRY” 佢由笑又變返屋, 但態度明顯唔同左”唔記得, 我比你害到我記日無瞓得唔好呀? 你還可以笑得出, 離晒普!” 我繼續笑”咁即係我錯喎!? 咁要唔要我補嘗返你” 佢好招即”最好啦, 睇你誠意” 我見佢對我有改變咁我就順利成章”出黎食飯啦, 我請, 時間地點你話事.”
就係咁, 我開始認識呢個又惡又唔講理既H, 當34遇27, 相差七年的一段關係………………….待續
[ 本帖最後由 Alden72123 於 2013-12-2 04:50 PM 編輯 ]
