換衫時又係一場誘人內衣Show， 佢哋倆個著住套胸圍內褲行來行去， 我一時望著S一時又望吓W， 真係春光無限 ！ 目不暇給！
我諗如果返到香港萬一大家三個人一齊住的話， 駛唔駛換個張大啲嘅床呢？ W又會唔會反對呢？ 佢哋會唔會迫我二揀一呢？ S同W其實個心諗緊乜嘢呢？ 會唔會有一日報紙頭條係- 多情漢負心男暴屍街頭，下體壹片血肉模糊............
換好衫到大堂Check Out， 因為等陣都會由酒店坐巴士去機場， 行李就寄存係酒店， 唔知係咪心理作用， 總係覺得酒店職員望著我啲眼神怪怪地咁........
食完野三個人漫無目的地周圍行， 行過精品店S話入去睇吓， S見到有套字母鎖匙扣幾靚， 問我同W靚唔靚， 我話OK啦！ 然後S就買咗四個話做手信， 我話仲邊有人送鎖匙扣做手信咁老土， S嬲爆爆咁話， 關你乜事呀！ 咸濕佬！
行多陣見差唔多要坐巴士去機場, 返酒店攞行李， 硬係覺得佢哋啲眼神怪怪地咁！ 算啦我哋三個都要返香港......等你哋妒忌吓都好！
