曖昧對象不易找:smile_13:

對像好易搵
但好既對像就好難搵

係:smile_39:

又手多去睇某人fb近況，
睇完想哭

醒既時候，我發現我同埋D訓左係沙化上度，
而我係o係佢既懷抱入面訓著。
我條腰同埋手臂都肌肉酸痛，
而且我尋晚party得太勁，所以宿醉到頭痛，
仲要暈暈地。雖然食左半罐罐頭蜜桃，
但係我仍然非常肚餓。


我張隻手按係佢係腹肌上面，
發現原來佢係我起身之前，已經醒左。
佢對眼唔大，但係瞳孔好似有一層光澤，
我唔知點講，可以話佢對眼好有神。


“早晨。”佢笑左笑，把聲好沙啞，
好sexy啊啊啊啊啊啊啊啊啊啊啊:smile_29:
佢將隻手擺係我塊面度，
然後淺吻我一下。
非常淺，非常溫柔既一吻。


“我平時淨係kiss女人下面既唇，唔係上面o個個。”


個殺那，我真係唔想起身，
我好想係佢懷入面賴皮，然後要佢kiss多我一下先會起身；
當然，理想歸理想，得不到也等於妄想，
我最後都係乖乖地企左起身，
用佢既牙刷刷牙，然後求佢車我去Lola屋企,
跟住就比佢拉左去食早餐。


“你係第一個係我屋企過夜既女人。”


咁我係第幾個比你用依句野哄既女人？
我想問，但係我知道自己唔可以咁樣問。
我笑左笑，講左幾句野，然後繼續食早餐。


好似平時一樣，我地傾計，flirt，食野，
而由coffee shop行過去停車場既時候，
佢一直拖住我一隻手。


佢無講好甜蜜或者好淫蕩既野，亦都無好親密地攬住我既肩膀，
佢只係好簡單，好簡單地拖住我隻手。


“我約左人係附近等，bye bye。”


我好似平時一樣，摸一摸佢個剷左青，好好摸既頭，
然後放鬆左隻手打算走。
其實我無約人，但係個刻，
我只係唔想令個氣氛再發展落去。


我知道，如果尋晚比左隻豬佢，
佢可能唔會同我食早餐，亦唔會甜蜜地拖住我。
我可能只會著返自己件衫，然後走出門口，
好似電影入面，連最未既工作人員名單都無名既女演員一樣，
成為D既人生中一個迷糊既面孔。


佢有本錢荒唐，而我亦有時間同佢荒唐，
但係，時間，必定會有用盡既一日。


我放鬆左隻手，但係佢無。


“下次再送上門，我唔會就咁放你走架喇。”


佢攬住我，係我耳邊耳語。
我依家打到一半，仲記得我個鼻聞到既個陣古龍水味。
如果有下次，我都唔會想你放我走。


我就企左係條街到，再行返返去間coffee shop，
叫左杯white mocha，然後扮曬deep地思考人生。
根據電影， D 應該會返黎，坐係我對面，
然後話“其實，我好愛你架！”；
而係現實，我只係坐係張凳度，
然後發現佢屋企條鑰匙仲係我個銀包入面。


我唔知應該點處理，甚至到依家，我都唔知道。
我覺得我同漁夫一樣，
D 實在太高，太難觸摸，
最重要既係，我地根本唔係同一個世界既人。


我放手，可能D會握緊，亦可能會同時放手，
可能會有人接手，亦可能，一個人都無。


夢會醒，party會散，夏天亦會完，
18依個數字，亦會減少半個弧度，變成19。


我同D既事無可能完美地結束，
但至少，係依度，係網絡世界，
我可以將件事停頓係最美好既片段之中。


故事就係依刻停頓，依刻終結，
就好似童話一樣，
無同你講白雪公主點樣比人懷疑同七個小矮人有姦情，
無同你講灰姑娘去到最後都要死，死之前仲要失禁。


係文字入面既D同埋尼采，living happily ever after，
就比我尼采係網絡世界裡，一直停留係18歲，
一直party，一直玩，一直係度on9落去。
因為十八，可以荒唐。
因為十八，所以荒唐。




《懶係感性又多字地完了》

唔知點解想唱首歌比腿腿子聽

來忘掉錯對
來懷念過去
曾共渡患難日子總有樂趣

就繼續係呢個虛擬既網絡世界荒唐落去

引用:

原帖由 Wonderlandloveu 於 2013-8-2 11:57 PM 發表
咁快結局，我會掛住你

哈哈哈哈 無野打喇嘛
多謝你支持呀:smile_52:

引用:

原帖由 iam蛋治 於 2013-8-3 12:31 AM 發表


其實你唔想冇左D係咪你係對佢有d感覺？
我知朋友之間都會 但朋友唔會口交 唔會咁close
唔會咁想留住對方係身邊…

如果無感覺，都唔會一齊做到咁多野
但係其實可能只係小妹妹動情，好快就無野 :>不過當係好事咯，畢竟唔係個個都有相同經歷 雖然有小小苦，但總有sweet moment

無錯 而且傷害都係經驗來的

ps.我見到你話print出黎 笑到癲左

我係你第一個粉絲黎架嘛

“你係第一個係我屋企過夜既女人。”


似曾相識的一句說話.. ..