按照一般情節，個兩位警察一定會把持唔住，
然後啪啪啪啪啪啪啪，係門口將我地就地正法；
而係現實上，兩位警察同我地傾左陣計，
叫我地唔好研討到太亢奮之後就走左。

當然，個party無降低聲浪，反而越黎越勁。
音樂越黎越響，跳舞越黎越狂野，人亦越黎越癲。
我跟住個beat係度unun下，條腰亦跟住扭扭下，
不時舉高隻手叫人Raise your hands up，
而d人亦會乖乖地舉起隻手；
我有時候懷疑，如果我叫男仔全部whip your dick out，
佢地係咪真係會攞條 J 出黎fing。

不過，身為純情小處女既我，當然無做到。

去到一半，我個肚岩岩好好肚餓，
就發現著住件藍色T-shirt同白色短褲，
手上面攞住幾盒cupcakes，唔知幾時出現既漁夫。

就算佢著住一件格格不入既衣服，矮普遍身高小小，
係人群之中，佢仍然唔起眼。
如果佢唔係攞住幾盒cupcake，我又極度肚餓，
我覺得我唔會發現佢既存在。

“Lola佢太高喇，唔係身高上，係各種層面上。”

依句係漁夫曾經同我講過野。
係場內有好多唔同既美女，
Lola唔係身材最好，個樣亦唔係最正最索既一個，
可能有小小誇張，但係我幾肯定，漁夫既目光，一直望住Lola。
就好似Lola係唯一有血有肉既人，而其他人只係吹氣公仔一樣。

為左令到依個只有我睇到既moment增添一分浪漫，
我將首歌轉做 I Need Your Love，
有興趣既小朋友可以click入去聽下。
http://www.youtube.com/watch?v=AtKZKl7Bgu0

Lola正企係張茶几上面跳舞，對眼好微微眯起，
兩隻手好自然地由自己條頸摸落個body，
然後以非常快既速度un自己條腰；
佢見唔到漁夫，我相信個刻，佢邊個人都見唔到。

“你地係中環玩，我係中環返工；
Lola要既應該係中環返工ibanker或者律師，
唔係幫ibanker沖咖啡o個個。”

漁夫屋企唔有錢，亦唔算窮，但係屋企似乎有小小家庭問題；
我地可以話佢係自卑，亦可以話佢現實，
因為我地知道，灰姑娘，永遠都只可以係女仔。

漁夫既視線離開左Lola，然後同隔離既人講左幾句野，
放低左手上面個幾盒cup cake，望多一次Lola，
然後轉身離開。

“佢遲早有一日一定要走，但係佢一定會唔捨得走。”

所以，漁夫佢走左。
矮小既身影消失係亢奮既人群之中，
好似比音樂吞左一樣，係依個迷幻既空間隱身而退。
我唔知道佢走係因為有第二個，
定係因為自卑，定係因為其他我地唔知道既原因。

可能對於漁夫而言，
佢同埋Lola不過係場美好既party；
係Lola既世界，party仍然可以繼續，佢可以日日不停地party，
但係漁夫並唔係，佢可能知道，係party入面越留得越耐，就越唔想走，
而佢無本錢，亦都無時間繼續留係Lola既花花世界。

Lola可以揾到好多個漁夫，但係漁夫可能淨係揾到一個Lola。

係個刻，我開始懷疑我同D既關係。
究竟我同埋D，邊個係Lola，邊個係漁夫？

What?Did White Mocha offends you? Huh huh huh ?