強帖留名

我叫尼采呀:smile_29::smile_29:

多謝支持呀
我依家開始寫:smile_52:

啊！！
見你有留言，我今次唔計較
多謝支持

加油!故事幾特別。

我地每個人，都總係唔想比人撞見既時刻，撞見最唔想撞見既人，

然後，發生自己最唔想見到既事。
我試過兩次，而每一次，都係同 D 係埋一齊。
第一次，我同 D 係蘭桂坊度飲野，順便去間club見見佢既朋友。
行去間club既時候，
D同平時一樣，一邊係我耳邊耳語，一邊攬實我條腰；
就算係隔住件條裙，
我都可以感受到佢隻手所散發出既熱度。
佢講左幾句野哄我笑，然後用個鼻磨一磨我塊面，
無視門口前面既長龍，直接經過sceurity入去。（佢既朋友係club既其中一位投資者，而且我地每次約埋一齊都會係依間club飲野吹水，所以個security其實已經認得我地:smile_52:）

“尼采！”

就係依個時候，我聽到幾把夾雜埋一齊，非常高音既聲叫我個名。
D 同我同時停低腳步，然後望住聲音既方向，呆左一呆。
人龍既前方位置，係我以前係香港讀書既時候曾經排過我既女仔，
幾個Hi-Bye friend，同埋一班同級既男仔。
個一刻，我淨係識得好僵硬地微笑，因為完全想像唔到比佢地見到我同 D 一齊，會後背後點樣講我。
“你朋友？”
D 將我攬得更緊，似乎同我溝通既方法除左耳語，就只有耳語。
之後，我唔記得我點答佢，
淨係知道 D 好有禮貌地帶埋佢地入去。
(D 通常對於我以外既人都好有禮貌)


“尼采，依個係你男朋友呀？”

係升降機度其中一個男仔問，而之前排過我既女仔（當佢叫 C)一對眼發光地打量 D。
屌你，我都唔知呀！仲有你，八婆！望咩呀！
雖然我心入面不斷吶喊，但係表面仍然保持一非常個虛佯既笑容。


“你話呢，弟弟？”

D輕輕笑左笑，而on99既我完全唔知可以點樣和應。
我同 D 去左揾本來約好既朋友飲酒，而佢地一班柴娃娃就去左開第二張枱，
可能我地張枱係樓上，而且有兩個security企左係前面，
所以一直無人黎撩酒飲或者自動sit in。
個晚我地傾得好開心，而我亦有小小醉，
所以，好快地，我就忘記左我同埋個班舊同學同場既事。

去到後未 D 去左樓下既場外傾電話，
我就繼續同個位朋友一邊傾計一邊飲酒。（FYI，我飲黎飲去都係blue lemonade）

“D o甘耐既？”我望一望手機，發現佢傾左差唔多半個鐘電話。
“eerrrrrrrr，”朋友隔住塊玻璃，眯埋對眼揾下 D 係邊，
而為左加強效率，我都一齊係度揾。

之後，我見到。
ok ok，個場暗到咩都睇唔清，d 燈又閃下閃下，
其實係好難好快揾到人；
我地兩隻眼至少揾左成15分鐘，而且揾到之後，
朋友對眼幾乎半盲，而我對眼就瞪大到就黎跌副con出黎。
係樓梯附近，
著住件係mk買既低胸背心裙，拋左半對波出黎既 C，
以非常緊貼既姿態，貼住D係度跳舞；
貼切黎講，互un。

留完言再睇

對唔住呀各位
因為頭先電腦有問題 個server突然自己quit左
我又要再重頭打過篇文
所以依家夜媽媽先出文
我真的是非常唔好意思:smile_29: :smile_29:

田雞你張田雞相呢？
btw隻貓好cute:smile_52:

田雞比人剁開攞左個心出黎...