人妻告白21
我唔覺得自己係一個玩家，食家同memeber，我一啲都唔係，我可以對燈火發誓，每條仔我都鍾意過，至少我有put effort 去氹佢，陪佢，服侍佢。我需要愛同attention 多過性，當然去到某個point，服侍得我唔好，EQ 唔夠高又發我老脾嘅，我咪走囉，有得揀先係老闆。Call me QUEEN! 嘻嘻! 呢個遊戲就係你揀人，人揀你啫。有冇諗過，其實根本就係同緊自己嘅感情玩遊戲。
個女仔不停喺電話度問我LP700係幾時識我，佢話想知佢幾時開始呃佢。傻豬，上得skout 玩，佢online 嘅時候又唔係同你傾緊計喎，咁佢做緊乜吖，你話吖。條女仲話自己喺skout 唔會理啲結咗婚或者有女朋友嘅男人，又唔會主動去hi 男仔，講講吓佢爆喊喎，佢話點解LP700要咁對佢，嘩! 嚇死人咩，咪喊啦! 我最後用咗兩個鍾頭去氹咗佢，佢先肯收線，做女人，我都算係咁啦! 不過我覺得佢好傻好慘，因為我喺佢身上見到以前嘅自己。之後我打俾LP700，我話: 喂，你做乜咩呀，你有條女搵到我喎。
LP700: 係咩，sorry 呀，你冇事吖嘛，我遲啲同你講啦，你唔駛理佢，佢傻㗎。(唔係呀嘛，條女鍾意你都話人傻㗎，咁冇品?)
終於LP700真係揸住架新落地嘅LP700嚟接我，我嗰刻又飛咗上天堂。喺Marriot 門口，有架好大架嘅林寶LP700，好型，估唔到我有機會坐上一架貴過間700尺屋嘅車。我再一次好興奮。成世人都未開過一架度門向上開嘅車，我定一定神，我竟然識開度門，我又再一次用lady 嘅方法上車，LP700話: 咦，點解你咁勁識上車嘅? 我couson 上車嗰時撞到個頭呀!
我: 。。。(好興奮，唔識答你添，冷靜冷靜。。。)
LP700: 你聞吓? 呢啲就係我最鍾意嘅新車味! 我次次買車都好鍾意呢陣味㗎! (屌! 你傻㗎，幾百粒就係為咗呢陣新車味! 新屋味會唔會仲香啲呀!)
佢一開車我好似上咗火星咁，喺我享受緊嗰陣新車味嘅時候佢問我: 你咩都唔好講，聽我講，條女傻㗎!
