男朋友想做愛,不過唔知點做好
其實我呢個係新既 account,因為我男朋友都知道我一向都有上黎香港討論區。不過我就唔係成日都黎呢個版面,直到我發現我男朋友開始對我毛手毛腳,我先至開始睇呢個版。
我同我男朋友拍左拖大約兩個月,佢係我既初戀,而我又係佢既初戀,初初拍拖既時候都無乜野,不過近排我地多左好多比較親切既行為。好記得上星期六,因為佢屋企人唔喺度,我就上左佢屋企,初時都好地地,慢慢佢就帶左我入去佢間房錫我同攬住我,之後佢就手多多咁摸我。當佢摸我既時候,唔知點解我覺得成個人都軟晒咁,我立即推開左佢,因為我當時好驚。返到自己屋企,我一個人諗,其實唔知道係唔係佢想同我做愛呢?我又唔知道自己準備好未,同埋我又唔識做。以我知道佢之前都係未做過既,我有個女仔朋友同我講話如果個男仔之前未做過既話,佢一定會搞到個女仔好痛,唔知又係唔係真架呢?
唉,好煩呀。我唔知道自己係唔係 post 錯左區,不過我之前 post 左去性愛發問區,又好似無乜人見到我個 post,所以我先至過左黎呢個版面,希望大家唔好介意。