其實當時A同B都對我好好，對於一個從未拍過拖既我，我真係唔知點選擇，因為果兩個女仔對我嚟講都有感覺同唔抗拒，加上佢地原本係我好朋友，所以我訓係張床到不停咁唉聲嘆氣。而家先發覺有人鍾意原本係開心既事都變成煩悶。但我晚上訓覺時發左個夢，印象記得我同B開始Kiss時就被鬧鐘嘈醒左。第二朝我要起身返工，但精神好差。可能因為我琴晚發左個夢加上今日係B要求既期限，所以起身我不斷係咁諗B。

因放完假後, 我返到公司不斷要清理堆積的工作，但我心裡仍想著B亦想知道B有冇掛住我，所以當日工作唔係太專心以及同同事傾計都心不在焉，整日都係留意住部電話睇下B會唔會搵我。終於等到放工已急不及待走人，我手握住電話猶疑左一陣，諗下應該一陣點同B講，我鼓起勇氣決定打電話比B。

當我按電話打比B後竟然立即接通但係不是B既聲音，而係電話錄音講：電話暫時未能接通，請遲啲左打過嚟啦，BB…BB…｡斷線。

我正想打比B時就打不通，當時心情非常矛盾，一來個心鬆一鬆我可以再諗清楚d點同B講，但又擔心點解B個電話唔通，會唔會搭緊lift收唔到。我放工後冇立刻返屋企，返而係條街到遊蕩。我隻左手仍握住部電話，時不時攞起望一望時間，而家下午6點半啦，已隔左五分鐘，心諗不如再打多次啦。結果B既電話又係唔通，我個心忽然離一離，感覺到B可能唔想聽我電話，想避開我，我突然好唔開心，之後我都嘗試打多幾次B既電話，但結果都係一樣。

我係條街漫無目的咁行，跟本冇心機行街，一個人係到行都唔知為咩，以為B接到我電話後會出嚟見我，我個心只係想著B。我行左一個鐘頭多d，因為我都好攰，所以我決定返屋企啦。

我返到屋企好彩屋企仲有飯菜，我當時冇心情食，個心頂住頂住咁，食唔安坐唔定，求其食完就算。我又再打多次電話比B,結果都係唔通。之後我唯有走去沖左個涼，希望個心情會轉好番d｡

沖完個熱水涼後，個心情都係唔好，咩都唔想做。我坐係電腦前上網check下email, 我一開個email account就見到原來今日下午B send左封email比我，我打開B既email嚟睇：

====================

我曾經有一刻想過會收到好消息，希望你會話我聽喜歡我想與我一起。但在泰國最後一晚時，我真的很不開心。因為我發覺原來自己係好小器，容忍度很低，我見到A捉住你下面時，我個心好酸好唔開心，雖然在泰國第一晚都有此情形，但感覺已完全不同。我已經係心裡多次同自己講你又唔係我男朋友，點解呢刻要介意，但結果我都是入廁所哭了出來。我原來真係忍受不到一個我鍾意既男人比其他女仔去錫去摸，你話我自私都好，保守又好，我真是做不到跟別人分享。

回到香港後，我仍不斷想著係泰國第一晚及係廁所內與你的事情，感覺真的很開心又溫馨。但轉頭又一想到你與A的親密，或日後我們3人的關係時，我心裡又非常不安，心中好煩好亂，我雖然不願意失去你，但更不願意失去兩位好朋友。

其實我亦感覺到你是喜歡A吧。所以我昨晚想得很清楚，我是不能接受你同時愛我但又愛A，一點點也不可以。我亦曾經想過如果我與你一起後，要求你與A斷絕交往是否很過份嗎? 我自己都覺得很過份。所以，我想了一整晚後，我決定離開你們，亦不會再見你們。因為我之前已經受了一次很痛的傷，我相信自己已不能再承受多次。既然我與你未開始發展感情，所以大家都不會太痛楚。希望你們生活愉快，忘記我吧!

B

====================

當時我自己一個係房，我睇完封email後，我個心既熱氣不斷上升，我個咀微微向上彎，我雙眼已被淚水遮住視線，螢光幕既光芒經淚水折射後形成七彩散光進入我眼球內，令我再看不清螢光幕上顯示既文字。我終於忍不住湧出兩行淚水，同時鼻水亦流出，我當時只是用手背輕擦鼻子。我又長嘆一聲，腦裡突然一片空白...