同P相處左十日,當然唔只係上而兩幕啦,
不過唔再多講啦.
只係講多幾句,係最後一日,我地講清楚左大家既關係,
大家都知道唔可能再有結果,
我亦唔想做人地家庭既第三者,
所以我地都決定分開.
當然最後一日,同佢一齊度過左盡情既一晚.
自己P之後,有大半年時間都無感情生活,
其實唔關P事,而係因為EX既影響.
直至一個月前,平靜既湖面泛起左少少漣漪.
佢係B.
B其實係之前既中學同學,不過一直都唔係好多聯絡,只係有時大班人既聚會,個聚會有時成半年至約到一次.
就算成班人出黎,B同我都唔係好多野講,所以一直都無乜特別感覺,直至兩個月前既一次聚會.
個次係成班七八個人一齊食飯,大家講講下講到男女朋友,而佢地都識我既EX,
亦知道我既EX對我做過既傷害.
其中有人忽然講到:KAREN,依個男仔早散好過啦,搵個再好D架囉.
我只係笑笑下,無乜回應.
之後佢再講多句:亞B,而家你有機會啦.
我仲叫佢咪講笑啦,
點知之後佢話:亞B暗戀左你好耐架啦,佢之前見你拍拖無出聲咋.
成場即時DEADAIR左,我望住B,佢面都紅晒,只係不停講:無呀,邊有呀.
當時我心唸,唔通係真既???
(我地係長方型檯,B正正坐係我對面)
餐飯本來都無乜野,自從講完上面既說話之後,
我發覺B成日都好似偷望我,而我亦都有時會偷侈望下佢有無望我,
有好幾次我地既目光就咁對上左.
B之前係藍球隊,好高(又係高…),SPORTY+斯文樣.
笑起上黎左邊面有個酒渦,不過佢好少笑.
外型絕對係討好個類,不過因為之前同佢唔係好多傾計,所以一直都無唸過.
而且,唔知係乜野原因,自己好似係中意比較成熟既男士,真係唔知點解.
個晚食完飯都已經幾夜,大家就安排邊個送邊個女仔坐車,
好自己成班又起哄,KAREN就梗係亞B送啦.
我見到亞B又再面紅紅,唔想當時場面咁唔好意思,我行到亞B隔離話:好呀,咁你送我架啦.
由個度食飯行到返我屋企要半個鐘左右,
不過當晚我又想行下,所以同B講,佢話OK.
好耐都無試過半夜有一個男仔係我身邊送我返去.
我地邊行邊傾計,講講下我突然問佢:你之前真係中意我架?
佢又忽然好認真咁樣,唸左幾秒至答:唔係.
點知之後佢加多幾個字:唔只之前,我而家都仲中意你.
聽到佢咁講,我都好突然.我垂低頭一路行一路唸緊.
有去過中上環個邊既朋友應該知,
個度有D街行人路好窄,而且又斜路又樓梯.
唔知係我分心定係路滑,行緊幾級樓梯時我PK左……
左腳扭到,PATPAT落地…
佢即時過黎想扶起我,不過我行就痛,
所以佢扶番我坐低先.
佢幫我檢查同按摩扭到既腳踝,
當時我對腳伸直,上身向前彎.
未講當晚我著既衫添,係一件厚外套,入面一件少少V領既衫,下身短牛仔裙,
所以係咁既姿勢之下,應該上下都會走走地光,不過當時我無為意.
而佢同我睇緊隻腳時都無為意,直到佢抬起頭想問我仲痛唔痛時,佢就見到啦…
我見到佢望住我個胸,我就知道我走光啦.而佢亦都知我見到,
佢好可愛咁同我講SORRY…
佢扶我企起身,不過行路時都仲有D痛,
佢原本提議打電話搵我屋企人黎扶我返去,
我忽然生起一個百厭唸頭,同佢講:不如你”咩”我番去呀?
就係咁,佢就”咩”我行左成十分鐘,亦係我依大半年以來,第一次同一個男仔既身體接觸.
一路行,我地都無乜講野,去到屋企樓下,佢放番我落黎,
我抬頭望住佢,同佢講唔該,講完次後都繼續望住佢,
不過佢始終都唔敢鍚落黎,
結果我係佢面上面輕輕咁鍚左一啖,就SAY BYE啦.
同B一齊,我無之前好愛好愛既感覺,
不過又覺有另一種既舒服,
我係度唸,愛唔一定要好轟烈架者..
到而家,我同B都未正式開始,不過大家都知道對對方有感覺,
而最大我地未正式開始既原因,係因為我仲未決定好唔好同佢講我之前既事.
不過下一PART,就會開始講同B既第一次…
