快點

期待更新呀~~

有時女人對男人有好感....
又唔識去表達...只識去搵D野暗示....但又似是而非
其實有時就算個男仔真係有喜歡既好感....都唔知應唔應該去好

當個女人去到呢個場景叫做送埋到男人手上時...
男人又唔識去選擇.....往往好多時都有兩個比個男人去選擇

曾幾何時....在有女友情況下
有兩個女人都幾乎明示鐘意我
但大家既是同公司...又是比較好FRIEND既同事....
我最後選擇是...... 做好朋友算吧....

有D野錯過左....會令自己心入面有種特別的感覺
會特別去記住...懷念當日既感覺....人和事

遺憾.....或者會令呢段回憶更深刻

我未試過回POST打咁多字.....雖然大家只係網上偶遇
但你剛剛發出呢隻歌係我喜愛之一

細細個聽起已經很喜歡....八十年代到九十年代既歌真係膾炙人口
我唔係話依家冇.....

如果師兄你分享你果隻歌
我又分享以下呢隻歌.....真係每隻歌有每個故事


""望著海一片　滿懷倦　無淚也無言
望著天一片　只感到情懷亂

我的心又似小木船
遠景不見　但仍向著前

誰在命裡主宰我　
每天掙扎　人海裡面
心中感嘆　似水流年
不可以留住昨天

留下只有思念　一串串永遠纏
浩瀚煙波裡我懷念　懷念往年
外貌早改變　處境都變　情懷未變""

Ching 好感性^_^

首歌好正，多謝師兄。
本來今早打緊更新，但不幸地冇晒，所以未有心機打番。
希望今晚稍後可以重打一次。

OMG.無哂要打過。希望可以快D有更新。

有時用手機聲音輸入快D.

令我又回想起與B既片段，記得有一次就快要考試，因為我中學係讀理科，而B中學讀文科。但係升上大學後都唔明點解要B讀番我中六時學既數學，當然讀得文科正常數學都唔叻，而B當時既男朋友又係讀文科出身，所以B請教我數學，雖然我唔係好叻，但我都可以應付。當晚我同B約係圖書館一齊温書。當時B有男友，我估B梗係同男友食完晚飯先同我去圖書館温書啦，我就自己返宿舍食。當大家去到圖書館揾到張細枱後，B就攪一輪call機先開始，我估係B男友係咁留言比佢掛，我唯有扮唔理佢自己温書先。到開始温書時，大家有講有笑，我亦好用心咁教B。對我呢講呢種開心既時間過得好快，圖書館要閂門，我同B一齊走，我問B:咁夜我送你去搭車啦。B似乎唔好意思口窒窒咁答：我今晚去…朋友宿舍屈蛇。我見狀好似都唔好意思問落去答：哦。因為我知道B男朋友都有宿舍住，可能B去佢男友度屈蛇先咁尷尬啫。當我地講完上述說話後，大家變得好沉默，只係向住宿舍方向一齊行。當我地差唔多行到時，B講：今晚唔該晒你，第時請番你食飯啦，你都早D休息。我答：好呀。B就指住果邊好快接住答：我去果邊果座啦，byebye。我唯有苦笑咁答：byebye啦。

當時知唔點解我心情由天堂跌落地獄咁，因為B去果座正正就係佢男友住果座，而當時男宿屈女蛇都係好平常既事。我都明知B有男朋友，但突然之間我心情覺得好空虚，好失落，好無奈，我一路行番宿舍就一路嘆氣。之後仲要食多個杯麵有番d滿足感先訓得著。所以自己有肚腩都唔係冇原因，哈哈。





[ 本帖最後由 往時愉快回憶 於 2013-2-4 10:32 AM 編輯 ]