我地3個搭的士去做SPA,其實車程約10分鐘到,途中大家都有講有笑但說話唔多,表面上好似已經沒事,而我內心當時亦冇去特別諗, 心情較頭先明顯放鬆左好多. 到達後, 我地落左車行去間鋪時, 因我負責要比車錢,所以最遲落車. 我係A同B後面, 我望住A同B既背脊,見到A繳住B隻手臂一齊行,我聽到佢地兩個仲有講有笑,似乎真係冇事. 當我呆呆望住佢地背脊行時, A突然擰番轉頭講: 喂,腳軟軟,慢吞吞,快D啦,我地遲左,唔知仲有冇位呀, 哈哈. 跟住A同B兩姊妹望住我大笑. 我又只識傻笑咁答: 吹咩呀, 未行緊囉.
入到鋪去reception, 因為我地要兩間房做SPA(男女分開,我自己一間, A同B一間),雖然我地之前book左,但係可能我地遲到左dd掛,暫時只能提供一間, 另一間要最快半個鐘後先有. 我地一齊睇完d package後, A同B都話想做兩個半鐘, 而我就想做兩個鐘都可以. 咁所以我叫A同B做先囉, 自己咪等下先,冇所謂. A跟住講: 好野, 咁我地做先啦. 跟住服務員遞左3對拖鞋比我地換, 換完後A同B就跟服務員入房, 我就仍然留係廳.
當時我一個人無咩好做, 想逃避唔諗A同B既事住囉, 未係背囊到攞部MP3機來聽歌, 係褲袋攞部電話玩貪食蛇輕鬆下(當時我用緊8210, 超經典,哈哈). 當MP3機random播到一首歌時, 我個心突然被吸引住去聽,好留心d歌詞.
如告知某一些的戀愛結果會心傷
曾愉快一試何妨
如告知我的一些感覺你不會欣賞
誰共你一般思想
＊不知那裡風向又傳來了花香
再次編織心中的幻想
＃一人有一個夢想 兩人熱愛漸迷惘
三人有三種愛找各自理想
一人變心會受傷 兩人願意沒惆悵
三人痛苦戀愛不再問事實與真相
何以我每當開始戀愛你這麼緊張
誰令你心跳若狂
何以我每當終止戀愛你變得輕鬆
流露你心中所想
當我聽到:
"三人痛苦戀愛不再問事實與真相"
特別係呢句歌詞時, 突然好有共嗚, 好似刺中我心咁, 我個心突然好唔開心, 好噏, 乸住乸住. 我雙眼控制唔住, 眼水汪汪. 當然我冇喊, 強忍,但呼吸明顯深左大左,個嘴唇緊合有少少微微向上彎曲. 我個腦果刻諗唔到野,好迷惘, 剩係繼續好留心回味緊d歌詞.
我肯定之前體會唔到d歌詞, 呢首歌回憶番係我之前中學考公開試前係屋企或自修室塞住對耳溫書時必聽既歌. 呢首歌都叫陪住我大,以前感覺好好聽,輕快,旋律好優美, 但而家聽緊就係完全唔同既體會,首歌變得好沉重, d歌詞好似講中我心聲咁,完全刺中我內心既心窩處. 但人有時就係咁矛盾,加上當然係獨處既環境下, 首歌播完後, 我竟然情不自禁要repeat聽多次, 心痛但又要聽...
註: 首歌係黎瑞恩一人有一個夢想, 師兄師姐應該實知, 但師弟師妹就未必知啦.
所以想聽吓就自己click來聽番.
http://www.youtube.com/watch?v=NLinMqcwMcI
[ 本帖最後由 往時愉快回憶 於 2013-2-1 12:38 PM 編輯 ]
