當大家好夢正甜時，突然我朦朧間聽到隱約有d 低沉既Do…Do聲，d聲又唔係刺耳嘅，但又唔係長響，只係間唔到先Do…Do兩聲。雖然唔係嘈，但在寧静既環境下都幾煩擾。我頂唔順，我唯有好奇睇下留意下聲音來源啦。我留意左一陣先知原來係A床頭既電話發出聲音，我又懶得起床攪。這時A都有意識，開始從被窩伸手出來摸索床頭既電話。當A拿到電話後，就見A望緊個電話熒幕而個電話發出微弱既光芒。我見A好似嘗試拆開電話粒電，D 聲就冇響啦。A放回電話番床頭後，我都閉眼諗住繼續訓，但一陣就聽到有人關廁所門聲，我因為未即時訓，所以好奇望下邊個啫，原來係A去廁所。之後聽到沖廁所水聲及水聲後，A就開門出番來，當佢經過我床邊時，我就好細聲問佢咁夜仲有人揾你呀？A聽到突然有人講野都應該嚇一嚇，見佢個身都震一震。A回神後好細聲咁答：唔係有人揾，呢個電話冇電時反而會響，好白痴架！(A當時係用mo記，即係摩托羅拉囉) 我答咁都得，冇電會叫好肚餓，哈哈！A好尷尬咁笑嘻嘻。就上番大床啦。
夜少少仲有一次更新。
