Lunch 同亞強嘅對話
我的性愛日誌 4 p.3/3
Lunch 同亞強嘅對話
『我哋一世人兩兄弟，呢單嘢今日一定要當面同你傾清楚』------------------唔係呀嘩---咁嚴重？
『我為左呢單嘢，尋晚成晚都眼光光、無瞓！今朝一早就同大佬、亞爸、亞媽研究！』----好似越黎越嚴重咁喎！
於是我想回應：『我………… 』
『你等我講埋先再講好唔好？』------------即係冇得傾咁嘅意思啦！
『大佬、亞爸、亞媽都話件事係由你而起嘅，一定要我當面同你講清楚！』---------明白晒！但係我準備頑抗，我諗細May都想我咁做！
『呢單嘢我已經決定左，希望你唔好話我唔夠義氣，大佬、亞爸、亞媽都話支持我咁做！』-------唔係呀馬？今時今日，自由戀愛都唔得？
我越聽越慶！牛咁眼望住佢，成個想食人咁嘅款！等佢講埋落去，嚇到佢頭耷耷，我從來未見過條衰仔咁嘅款，好似比我嚇親！跟住口窒窒：
『我…我….我…..我同亞敏拍緊拖！』------------真係比佢吹脹------唔怪得呢輪亞敏成日都咁夜返又成日都唔返屋企食晚飯！(註：亞敏係我個細妹，細我年半，做護士！)
『呵！原來係咁----你係唔係認真架？佢係處，你有冇……. 』
『梗係唔會啦！我尊重佢，佢話要留返喺結左婚之後！』----------得唔得呀！死仔！
我鬆左一口氣，乘機扮個大佬款：『我都有單嘢要同你傾下！』
『係唔係你比亞細May溝左果單嘢呀？』------佢笑笑口望住我！個死仔又開始牙擦擦！
完來細May鐘意我，佢全家都知！
平時條衰女要洗我做嘢果陣，佢會通知佢大佬二佬，因為全家當佢係公主！咁佢兩兄弟果日就會水我盆！諸多籍口：唔得閒、改期、唔舒服、有事，甚致臨時放飛機！但係細May就會有電話到好似好同情我比人飛、放飛機----提供一啲補償嘅節目比我：同佢排隊買衫、買演唱會飛，做司機送佢同啲女同學女朋友-----成日話比人聽佢有三個大佬-----我最錫佢！-----呢次重唔真相大白！---但係亞強一路爆----我一路覺得個心好甜！--------原來我其實好鍾意細May，不過唔敢諗！
我覺得有啲對佢唔住：前年我跟老豆去左美國一輪，又話搞生意、又話搞移民。亞強話細May都唔知幾傷心，果陣佢先正會比條古惑亞Sir溝左，搞到佢屋企人都唔知幾担心，好在只喺拍左三個幾月！
我啱啱call左細May：佢話佢屋企人好鐘意我哋拍拖-----淨係叫佢唔好咁公主-------蝦我！
細May話佢已經安排晒我呢個禮拜嘅活動：
星期三：今晚佢要加班------接送佢返屋企！
星期四：聽晚放工佢要同我去買裇衫----佢要送件粉紅色裇衫比我配果條藍色斜條粉紅底領帶，今個星期日著住去佢做伴娘果個酒會同晚宴---------佢要介紹佢個男朋友比佢啲朋友識！
星期五：我接送佢返屋企之後，要同佢鬆骨-------我話唔識點鬆，佢話會教我！
星期六：司機-------帮新娘果邊！
星期日：做伴娘----------------------------------嘅左右手！
我只係覺得好幸福！
Ching們：我知你哋都好想睇啲咸咸哋嘅內容：即係我最想做嘅嘢啦！
請耐心等等-----不過我都好心急-----諗到亞細May--條JJ都扯扯哋！
我想將呢個Post成為我嘅戀愛、拍拖、性愛日誌！------唔知好唔好呢？
要去接送細May返屋企喇！------聽日再傾-----88！
[ 本帖最後由 goodforanything 於 2012-11-25 07:10 PM 編輯 ]
