呢種人咩心態？我唔知點
我80後尾，失婚帶住個小朋友（2歲半），以為就甘相依為命，過咪下半世，人地80後世界仲多姿多彩，我就生咪個小朋友，自己又比較悶！感情野完全無再諗！有個親戚女性（a)27歲要求好高，要既男朋友係識哄佢細心最緊要只可以大佢2歲！最好有車買左樓，可以快啲結婚，隔離屋1年前介紹左個男人大佢5歲比佢，最後佢同人地好好地，去完5次街，話人地次次無送佢上樓而覺得人地唔細心，加上人地係住公屋，就甘算！話唔啱！事隔無耐個男人+左我fb知道我同個 a 係親戚，就好想由我口中知點解好地地最後點解會甘，當然我無講到好白啦！都有叫個男仔係 a 生日個時同佢講生日快樂個啲野！a 都無理無回應，甘個男仔開始覺得算啦，佢屋企人係好想佢結婚（佢上有一姐下有2妹）屋企人又開始介紹其他女仔佢識，我地就好似朋友甘傾下計，有時我地一齊帶住我個小朋友去玩，後來我地4個月後，我同個男仔一齊左，佢大我8歲佢好錫我同個小朋友，自己又買左車，去邊...都會帶住我地去，我個銀包用到爛爛地就送左個6000銀包比我，手無咩首飾就買左條b字頭連比我，而家一齊半年，對我家人都好好，人情世故佢都好識做！呢半年我覺得過得好開心，個a知道後就開始比說話我屋企人聽，話佢自己都好想結婚都知個男人好，個陣時只不過想考驗下個男仔，前2日因為我個阿爺生日，好多人都有到，包括個男仔，個男仔送左個大禮比我阿爺，a全家都係度，個下我阿媽好開心，全程我係度同親戚吹水，佢就幫我睇住個小朋友！a開始行嚟問覺得我地有無可能結婚，佢家一定會反對==
我心諗知你係度，我唔帶佢來啦！我呢2個月聽好多是非，攪到我脾氣都差咪！係咪我太在意人點睇？
http://www.188channel.com/viewth ... 5673&extra=page%3D1
