大家好, 我再過多排生日後就29歲, 行入左準中女門口, 但男友又剛分手
因為工作環境關係，我是不太可能會找到可發展異性，
而我的樣貌也不是什麼美女角色，清純可人，
所以更難找到合適的對象, 所以試下係度認識下
我工作關係是星期六日很長時間, 只有星期一至五係穩定的辦公室時間
可以去拍下拖，睇下戲之類，星期六日, 紅日, 可能我就未必陪到了
而且因為我個人較為慢熱，亦工作關係我不可能一認識就見面，
這方面可能在聯絡我前要考慮一下
而簡單個人資料如下:
我都有成170cm高,
本身係做寫字樓，一個人工作，都算清閒
而假日我係做兼職既，工作係飲食業，身邊既同事全部都係阿叔
可能係電話/文字上我係好易溝通到既人，但其實我個人幾怕生(面對面果隻)，
生活上算很悶的，因為我假日返工係好累好累果隻，可能連電話都未必打多幾個果d
所以我多數都係平日睇下戲行下街食下飯，未必可以郊遊果d...
(除非你想半夜上山照田雞...)
其實我會較建議係msn先傾左先，岩傾先交換手機號碼
個性同外貌方面，
我一定唔算靚，真係好一般既女人，
而個性，我唔否認我都有d脾氣，但已經好努力改善中
而且我個人比較直接坦白，唔係好識轉彎思維，或者咩深層次暗示果d
其他既, 詳細再先講
如果你本身已有女友, 想間中食散餐黎一腳兩船而找我,
或是任何想找sp/傾sex 的男士, 都請不要浪費大家時間﹗
哈哈我發現原來我一直無打我想要既要求:
我要求好簡單:
1. 高過我, 我想可以可以有個人俾我依靠得舒舒服服
(你永遠不能想像靠在一個俾你矮的肩，比你坐返好更辛苦)
2. 大過我，我發現我真係無辦法同我細我2年的人順利溝通
而且我亦都年青愛玩過，知道果D年紀根本未Settle down,
亦唔會特別詳細去諗將來，我只係未嫁老女人，唔想再玩呢d game
3. 誠實，我很怕人說謊，因為我本身不希望呃人，
當然出來工作周圍都是謊言，但我希望對方可以對我坦承些
4. 忠貞，我的心只有一個，把它一分為二我會死，
而我亦希望對方可以這樣對我。
你會問: 點解無其他條件?
因為我明白再好條件，當然多多益善，
但在愛情裡，我對這4個要求(尤其2, 3) 係100%無退讓無價講
條件已列
歡迎入黎傾下
[
本帖最後由 JeanReno 於 2012-6-26 11:08 AM 編輯 ]
