引用:
原帖由 silksocksboy 於 2012-6-1 01:04 PM 發表 
咁我都係講我遇到既例子，所以我話睇埋你既故事先可以下結論。
當時你地under佢，緊係唔出聲啦，如果佢做到野，我可能話佢識得用自己既本錢添。我個人比較衰，對人多過對事，而且先入為主，所以見到佢叫人唔好叫佢個 ...
ching...無可否認，靚女係有天賦本錢，正如請職員咁，如果兩個人既學歷，經驗同辦事能力都係一樣，一個係男人，一個係靚女，大部份人都會搵個女仔啦。哩D case我真係見得多，有時就算個女仔能力差少少，都請個女唔請個男。好比你入銀行，如果招呼你果位係靚女職員，你都會受落D，又或去睇樓，如果個地產經紀係靚女，你都會冧D。無他既，講黎講去都係怪我地男人鹹濕，鍾意靚女，咁咪比人入到位喇...
有D外地客黎到傾生意，我都試過帶佢地去夜蒲，無他既，佢地鍾意，我咪投其所好lor，事實上背後既理念都係一樣，只不過係所用手法唔同，睇下邊個夠激o者。講真，佢用既手法，反而唔係個個都做得到，而且危險性好高。
我離開左舊公司之後，有成年無同佢見過面，但如我前個帖咁講，因為有人密謀想"對冧"佢，無意中我又同佢碰番頭。不過哩D都係後話。
至於佢點解唔鍾意我地叫佢個名，而要叫佢Miss Chan，哩點我都唔明，橫掂點叫都係一句，叫慣左反而無關重要。但係老闆同D客都係叫佢Helen。試過係D客面前，我跟D客叫佢Helen，佢都冇咩野不悅。
[
本帖最後由 pnwebman 於 2012-6-1 02:51 PM 編輯 ]
