各位....午上安:smile_38:
黃豬入一下postit哥哥先..^^

I am ok. Thanks for your care.
Now is 4:45pm here. Hot, and cloudy.

同C分開後既第二段關係，係工作上認識，就叫呢個女仔做M啦，佢係一個新同事，幾靚女所以一入黎都會留意下佢，但只係普通男仔睇靚女既心態！
不過唔洗好耐已經feel到M都留意我，人就係咁衰，如果只係普通同事咁相處都唔會諗咁多野，當feel到M對自己有好感，對自己比對其他男同事好似有啲唔同，自己就開始會多啲借機會同佢接觸，佢係比較文靜既女仔，當我專登借機會同佢因為公事上接觸，其實要傾既已經傾晒可以各自行開做自己野，但我又會因為享受有個靚女係隔離，即使大家唔出聲做自己野，都覺得繼續坐係度做有個靚女係隔離點都爽過行開返去自己一個做啦，咁M佢又一樣繼續坐係度喎，慢慢我同佢就好似有左共識咁成日會坐埋一齊做啲根本同對方冇關既工作，而同事亦都有所聯想啦！
當雞仔媒人又多事，自己原來冇諗過同M發展既想法亦受到影響，朋友講返我知原來M對我有好感，什至試探到佢唔會抗拒我追求，影響到我開始去諗，都單身左一段時間，搵返個女朋友都唔錯呀，仲要咁靚女喎，心裡既虛榮感開始作祟，覺得佢咁靚女應該都好多人追慢慢揀，但朋友俾我既訊息係好似我都未開始追佢已經受，好似只要同佢傾下電話食下飯單獨去下街就可以一齊（其實當時我思想好幼稚覺得追女仔好簡單，因為同C既初戀係好自然咁兩個人由有好感到相愛一齊冇經歷過啲花盡心思搶奪芳心個啲拍戲橋段，所以其實我到認識M時都未真正試過追女仔=.=）
唔知係咪出黎做野後比以前讀書時更感受到社會既殘酷，加上工作上所接觸既層面都幾利字當頭以貌取人，自己都變得更現實更虛榮，因為拖住一個靚女俾人知係自己女朋友既優越感，令我由當初認識M時睇靚女心態到呢刻想佢做自己女朋友！（後來同M分開後回想返呢段關係先清楚自己當時可能唔係因為愛佢想同佢一齊，只係單身一段時間後想搵個人陪下，根本心底仲係有C既烙印，同M由開始到分開其實都將佢當做C既影子，各方面都想M可以做到當年C既方向，感受到同C相處既感覺）
但當時又點有諗到咁多咁理智呀！好快就同M係雞仔媒人影響下一齊左。
大家一齊做野見面時間比較多（可惜都係冇同C所有既無拘無束）同M既相處都好似唔可以暢所欲言，好相敬如賓咁，一齊左一段時間M暗示過想搬過黎同居，但我未有足夠準備所以當get唔到佢想點咁，只係維持住每個weekend一齊過...
或者係錯既時候遇上啱既人，當時雖然我同C都分開左一段時間，可能因為自己認定同C再冇可能什至唔會再有機會見面，覺得總唔可以停落黎唔進步，應該幫自己搵過新開始，而咁啱就係呢個時M出現仲一齊左，好自然係我生命中唯一一次戀愛（同C既初戀）係潛意識中成為我對M既期望同要求！不自覺將佢同C比較，（佢有C個種小鳥依人既溫婉賢淑，但缺乏個份天真可愛，相反郤有一份小女孩既任性！
當時同M既相處係公司會好合拍，放工都係好普通既行街食飯睇戲送返屋企（其實到而家三十幾歲我都 係一個悶蛋，不過而家就會好在乎一啲其他同年紀既人會覺得好幼稚既小情趣，對老婆做好多朋友覺得冇價值唔現實既心思去氹佢開心，令佢每日都依然面上掛住天真可愛既笑容，好彩老婆都鍾意仲覺得好窩心，令我地而家既感情可以日益增加^-^）！
到weekend大家唔洗返工就係我屋企睇下碟煮下野食（哈，我都幾有天份係煮食方面，我同老婆都係為食貓，成日周圍去搵好食既野食完就返屋企試下煮，老婆次次都話我煮得好好味架~）
或者因為M係好文靜既女仔，而自己亦都係感情比較內斂既人，而且仲好悶，同M既相戀並無多姿多彩既熱戀，反而係一種簡約平淡既愛，幸好我倆都係享受而唔會覺得有所缺乏，總算係繁囂工作之餘一個放鬆既機會。
呢段關係四個月後開始出現磨擦，天秤座既優柔寡斷令我好煩厭為生活瑣事去做決定，好希望身邊既人可以為自己安排打點一切，但M既小女孩任性就係呢方面起衝突，佢會專登扭計要我氹佢，可惜佢唔會適可而止，總要係心靈上感覺戰勝我為佢而退才滿足！（其實C當年初戀都好鍾意扭計，到而家結左婚都一樣成日要我氹，但老婆呢種天真單純想從扭計中獲得愛人花心思去氹佢個種被竉愛照顧既感覺，與M出於好勝心想控制他人不同，所以當年初戀到而家對住老婆，就算幾攰幾冇心機我都會好享受令老婆滿足快樂既過程）
比喻放工後去食飯，我會想身邊既佢幫我安排，我只需要去享受呢份晚餐（C當年及而家都好歡喜幫我安排照顧生活上既點滴，當我想俾老婆休息下時就會主動同佢講咩都唔洗諗，我已經諗好晒，只需要跟住我就得啦）每次我問M食咩佢都會叫我諗（快我一步搶左我想做既角色）當我提議佢總係話唔好，每次都要花一段時間去決定，但最終都佢都係揀我一開始講個幾個選擇之一
仲有好多其他事都令我覺得同佢相處成日好似捉衣因咁兜兜轉轉到頭來花時間心機都係返去開始，曾經我問過佢點解，M話其實好多時我講中佢心意，不過唔想一開始就話好令我咁輕鬆，話咁樣我唔會珍惜，要有難度先會綁得住我個心，唔係咁我就好容易變心鍾意第二個！
呢樣就係我同佢最大分歧，我會覺得愛一個人就唔會再可以分心去搵其他選擇！如果一直騎牛搵馬咁同一個一齊又不斷留意住更好既選擇一有機會就轉既，都唔係真心愛一個人啦，只係自私咁為自己想得到更好！
況且世界咁大，冇可能搵到一個完美既人，唔通無止境咁不斷搵？
我覺得愛一個人想同對方走往後既路，一定要建基於開心舒服既相處，M呢種係感情上玩心計去控制對方令我覺得好辛苦，唔通幾十年後到仔大女大都仲要咁去掌控對方咩？
就係咁我感到同佢開始係思想上大家既將來上開始行兩條唔同既路
我性格係自己有自己一套，會自己分清對錯，做錯決定亦甘於承擔，反而接受唔到被他人主導自己！
一件事原本我係知道唔應該做既，如果身邊既人理性咁同我分析我會接受，但當他人當我白痴唔識分辨是非不斷說教叫我唔好咁做，反而會激起我既反叛心理，你唔想我做咩，明知唔應該我都偏要去做，用行動去表示我唔受呢套（呢個係我到而家都改唔到既性格上既缺憾）同M多次表達我唔想兩個人之間係愛既掩飾下爾虞我詐，希望可以簡簡單單坦誠咁去建立真摯既愛，可惜M依然我行我素，壓力愈大反抗愈大最終都係分開收場，慶幸既係佢係我忍唔住講分手前搵到一個佢覺得可以控制到既人而主動離開我，佢開心咁去開始新感情，我亦可以得到解脫，兩人都無因為關係結束而受到傷害，平靜地開始各自既生活。
由於同M都多年前既關係，一齊既時間亦都唔長，當中亦無啲咩刻骨銘心既事發生（始終自己當年都唔係真正因為愛佢而開始，只係受到朋友影響加上為左忘記C而去開始新感情，唔可以真正投入去愛），所以到而家對同M之間都只得模糊既記憶，只得依稀記得有過開心既感覺，郤未能回憶起短暫關係中既點滴，反而好清楚記得當年既兩年之間既分野而導致分手，呢一段分享俾唔到大家甜蜜既感覺請見諒！

各位..早上好...

黃豬入一下

早晨…

仲返入黎…

hello...naughty哥哥
今次要出trip幾耐?
Africa有咩美食呢?...
我只認識Africa應該好熱...

早晨雀...仲有4頁..推埋去啦..^^

如果今日爆埋就好lu..

算把啦…我都諗字執埋啲手尾，鎖門關舖！

哈哈..記得要熄燈...

算?...發下水功推埋啦..^^

CUT 埋水電添…

仲想推？