繼續
隻手食左個波餅之際 我望一望佢 感覺到佢都有少少紅面
SS: 唔好意思 唔該晒 好彩你扶一扶我 如果唔係一定會跌落地
我: 你有無事(扶住佢隻手)?
SS: 無事呀 我地繼續行啦
一路行既時候 我感覺到佢都有意無意同我行得好近 唔知佢係唔係驚又再跌親 一路行一路有講有笑 好快我地就去到我地目的地
我: 嘩 間餐廳好似好靚喎
SS: 係喎 過門都係客麻 又唔洗我俾錢 HEHE
我: 你都幾奸架喎
我地去既餐廳都算係高級地方 環境同格調都好一流 我眼見既都係一pair pair 應該係一個拍拖聖地
我地點野食既時候
SS: 不如開枝酒呀
我: 好貴喎(百幾二百蚊坡紙)
SS: 唔緊要喎 食得開心咪得囉 當係為你既地獄日子開始做準備啦 HEHE
我: 你明知都要叫 無計 一於咁話啦
其實成餐飯氣氛真係一流 唔單止係因為同個靚女食飯 而係成個環境氣氛真係好得 食緊dessert既時候 有一隊live band開始做show 我就發現啲人開始出去跳舞(唔係勁舞而係慢舞個啲)
SS: 不如我地都出去跳囉
我: 我唔識喎 我跳樓可能叻過跳舞 哈哈哈
SS: 我都唔識喎 咁岩啦 大家一齊學下啦
我: 點學呀?
SS: 都係行下行下之麻 我估好易 唔好咁婆媽啦
佢就捉住我隻手拉我出去跳 SS攬住我條腰 我亦都攬住SS條腰 慢慢跳下跳下咁 感覺好奇怪因為我係不斷咁望住地下怕踏親佢 不過都聞到一陣陣既香氣係SS身上
SS: 你做咩不停望住地下架
我: 我怕踏親你呀
SS突然捉住我塊面 攬住我條頸
SS: 咁跳先岩
我: OK 咁繼續啦
一路跳 一路望住佢
SS: 你做咩係咁望實我呀?
我: 你靚囉 而且你用左邊隻牌子既香水呀? 好香喎
SS: 我無用香水喎(哦 原來係體香)
我: 估唔到
SS: 估唔到咩呀?
我: 唔話你知 HEHE
SS: 我總有方法令你講既
我: 睇下點
雖然跳左只係幾分鐘 不過同佢之間已經開始同佢係朋友關係 坐返埋位 埋埋單我地就離開左間餐廳
佢話要送我返酒店 我拒絕左 陪佢等埋的士先自己走
SS: 好耐未試過咁浪漫既感覺啦 多謝你
我: 都唔關我事 地方係你搵既
SS: 總之多謝你啦
佢係我塊面度KISS左一下
SS: Thank you Kiss for tonight
我: 哈哈 多謝你喎
送佢上左的士之後我就自己搵的士返酒店
