真係唔知嫁:smile_40:

咪係囉，好多時想開心下氣氛輕鬆啲講兩句笑，就俾人話食人豆腐！
我什至經常俾人以為我係基既，因為同男既玩起黎都好多身體接觸！

>>>>>>>>>>>>>>>>>>>>>>>>>>>

[ 本帖最後由 bleu_jazz 於 2012-5-23 07:00 PM 編輯 ]

我都成日比人咁講:smile_27:冇女友同自已朋友玩姐:smile_27:

oic...唔怪得啦..開初咪以為billy哥哥用格仔打...打咁多字要用好多手指力同眼力勁攰...係note打再c&p好方法..

haha..唔好客氣...慢慢打啦...仲有8頁比你暢所欲言哦...

鐘意1個人真係會為佢做多1點點...文字既記錄...閒時細嘗返樂事也...
記性好...都唔知係件好事定壞事...

[ 本帖最後由 missyellow@ 於 2012-5-23 06:57 PM 編輯 ]

個段路其實短短5-7分鐘一定行到落碼頭，但掌時好靜又有啲風幾舒服，我有心拖慢黎行，C亦都配合我既步伐低幵癭怕怕羞咁行，我問下佢既大學生活點，而我問咩佢答完又會問返我同樣既問題，落到碼頭都一樣冇人係度，我唔知咩事上身咁好大膽，問佢可唔可以陪我坐低傾下計，雖然係夜晚，但我見到佢有少少面紅咁嗯一聲！
估唔到坐低係石駁後反而係佢問我野先！或者頭先行個段斜路落黎佢feel到我同之前係campus或者hall撞到時態度好似唔同（梗係，而家單獨兩個人，平時總有同學朋友就算唔識既都會附近有人呀嘛）
因為平時我同佢打招呼講野係冇tone既，好似背書咁冇尾音好生硬，行落黎時佢身邊冇晒啲圍住佢既男仔，怕怕羞羞低頭個樣俾我知自己同個啲男仔有唔同，我從未見過佢對其他男仔怕羞，只見過拒絕追求時覺得唔好意思，其實我同C雖然直接溝通機會唔多，但我地都了解對方唔少，因為自從我既朋友同學知道我成日留意佢，就好著力做雞仔媒人，特別係女仔朋友，會不斷講我知佢既事，亦會講我既野佢知（當然好著力講好說話啦）所以C對我印像都幾深，特別係我唔會好似其他男仔咁猴禽！
當時得兩個人個種感覺令我好開心，平時個種囉囉攣既感覺更強烈到心跳流汗什至全身酸軟！
哈，愈拉愈遠，講返係碼頭坐低點啦！
估唔到坐低係佢開口先”你問我一唔一齊行下已經估唔到，啱啱你話想我陪你傾下計我更加嚇一跳”
C咁講我第一個反應係死啦，嚇親佢添，不過再諗一諗唔係喎，佢仲係有啲面紅喎，而且行下同傾下計佢都冇拒絕我應該唔係壞事！
我即刻冇經大腦咁問佢”咁你又肯既？你係咪都成日陪圍係你身邊啲男仔行街傾計架？”
”唔係呀唔係呀！（連續兩句唔係呀聽到我個心好甜，係咪佢在乎我點諗所以強調呢？）冇架，通常都係成班同學一齊食下飯講下笑，有時weekend都會成班去唱K囉，不過行街就通常只係得女仔，由ocamp到而家成個月成日撞到你都只係打招呼冇乜點傾過計，不過左右隔離房啲師姐成日都提起你，話你好好人好肯幫人，我諗同你熟左你都會幫我多啲呀嘛，返房都唔會咁早瞓，而且今晚個天又好似你講咁幾靚（C同我一樣咁傻，夜晚個天黑色都有分靚唔靚既咩），出黎行下都幾舒服呀~”
原本見佢唔抗拒同我傾計個人輕鬆返，但一聽到話其他人成日提起我即刻超緊張！
”提起我？講啲咩呀，點解會無啦啦講到我既？”
我見到佢答我時塊面突然好紅！”冇野架，傾開計講開住hall既生活，就講到你好多節目好熟西貢，去玩一定瘰搵埋你個啲囉，仲話覦差唔多每個dept都識人知好多野喎”
我問”呢啲咋，冇其他啦？”
佢塊面超紅！個頭低到差唔多下巴掂到頸！係咁望住自己對手！

我問C”你係咪唔舒服？”
”冇呀，點解咁問？”
”你塊面好紅係咪發燒？定係攰想返去瞓？見你個頭抬唔起咁”
C好小妹妹咁禁住塊面”唔攰呀，可以再傾架”
靜左落黎大家都冇講野兩三分鐘，好odd咁我忍唔住搵野講！
”成日見到個幾個係你隔離既男仔同dept架？”
”係，咁你呢，有幾個女仔我見你地好fd岝日一齊食野，有時又見你地一齊行出去問口搭車既”
”唔同dept架，我engine成個dept百幾人得十零個女仔咋嘛，有兩個係中學同學，其他係佢地dept既同學，成班有男有女架，不過其他男仔通常去左煲煙，佢地幾個唔食既又擺明恰我咪拉住我等我都冇得食囉”
”嗯，仲諗緊邊個係你女朋友添”
”冇呀冇呀，我都冇女朋友，真係冇架”
C呢個時候”桀”一聲笑左一下
我問”做咩？”
”頭先你話我塊面紅晒因為你問我師姐仲有講你咩我唔好意思講”
”即係咩”
”佢地話你冇拖拍恨拍拖（我呢刻心裡面堅想殺左個幾個死八婆），我話唔係呀，成日見你身邊有幾個女仔一齊玩，其中一個應該係你女朋友”
”真係堅冇呀，要一齊既中學都一齊左啦！”
”阿X（死八婆中最想殺既第一位）都話唔係你女朋友，因為你都仲未拍過拖”
”.....”（除左無言默認唔知仲可以有咩反應）
”頭先你話你冇女朋友令我諗起X咁講，忍唔住笑左出黎，sorry呀，因為你個樣點都估唔到你未拍過拖”
我唔想咁尷尬唯有轉話題去佢身上
”咁你呢，個幾個男仔邊個係你男朋友？”
”個個都唔係，我都同你一樣”
”一樣而家冇拍拖定一樣未拍過拖？”
”我中學讀女校都冇男仔，而家入黎開左學先一個月...”
我打籨心裡”yeah"左出黎！
”隔離中學呢，女校門口通常一定有隔離校男仔等放學架喎”
”我返學放學都係媽咪車我”
”原來你都一樣未拍過拖，你個樣都一樣唔似，第一次見你覺得你好多人追好多選擇好細個開始拍拖”
”係咩”
”咁個幾個男仔你有冇諗住揀邊個？”
”都唔熟，一啲都唔了解點會諗呢樣野喎”
”成日陪住你都唔了解？”
”佢地問我野我答完佢地一定係話我都啱喎，下次我陪你呀，都唔知係咪既，聽到佢地咁講我都唔想問返佢地唔想了解佢地啦”
我突然又一次俾鬼上身”我都好想了解你多啲，你想唔想都知多啲我既事呀？”
C枱頭定眼望住我！佢對眼好靚好水汪汪電死人個種，加上佢仲係面紅紅咁，呢一下電力十足我見猶憐既樣，我知自己瀨到應一應！個心跳到好似啱啱踢完波個時咁快，係咁爆汗，開始語無論次，個時有幾分鐘我把口冇停過但完全諗唔返自己講過咩！
C既眼神中令我感覺多左一份唔知點形容既感覺（當時連初戀都未冇所以唔知點講，而家諗返轉頭係佢眼神中感覺到一種若即若離既愛意）
同時佢拎左張紙巾出黎俾我抺汗（當時我真係爆汗瀑到好似踢完波咁，講堅一啲都冇誇張）
同時佢好溫柔咁講左句說話”你而家塊面紅得好緊要仲流咁多汗，係咪好熱？但係啲風叫埋黎都有少少凍架喎”
”係呀係呀我好熱，你覺凍？我俾件風嬲你著住先呀）
即刻除落黎幫佢嬲住，跟住就好似冇野發生咁傾計，我問佢既事了解佢多啲，同時佢又問返我（即係佢都想了解我多啲）
傾下傾下原來我地坐低傾左成四個鐘，好采佢第二日得下午一堂lang，我就話”原來咁夜，阻你咁多時間唔好意思，返去囉好冇？”
”好呀，都有少少攰啦”
行上去時大家都冇講野，但係久唔久就對望好開心咁笑，當時唔知C點諗，但我自己就有一種好微妙唔識形容既感覺，我好有信心大家都開始對對方由好感變為有少少鍾意，覺得對方就係自己既初戀！
我送到佢去房門口，隔離房個死八婆（暗殺目標一號）見到係度陰笑！
我再一次同佢講唔好意思，煩佢咁耐攪到佢咁夜
C話”唔係呀，今晚我好開心呀，多謝你陪我咁耐就真，同你一齊好舒服呀”
我開心到想彈起，但由於暗殺一號唔知係咪尿頻定間房有蟻咬！又一次出出入入經過，仲要好似啲中左風半邊身不受控制咁個咀角戚埋一邊咁陰笑！
我幾開心都要扮到咩事都冇咁講句早抖就依依不捨咁返自己房...
返到去見赤C icq 我（由ocamp交換左一直都冇傾過架）話唔記得俾返件風嬲我，我問返佢頭先話同我一齊好舒服係咪真架，佢話真心架，我話咁係咪下次我再約你都會想陪我行下傾下計，佢話係呀，我話咁咪得囉，下次再去時你著返件風嬲，可能下次係我覺得凍到你幫返我嬲住呢!
佢答多左一句就即刻offline，但亦令我成晚瞓唔著眼光光笑住咁望住天花板到第二日！
”好呀，你同其他男仔完全唔同好特別呀，我諗我知你頭先點解會自己都唔知自己講咩同埋面紅流汗^0^ 你好得意呀，你係第一個令我心跳既人，好期待快啲可以俾返件風嬲俾你，886，gdnite”

冰豬係讚我定窒我呢:smile_41: :smile_41:

就黎爆post??
推下先！

嗯。就爆舖喇。
Tamtam要多點上黎哦！