billy哥哥其實都好幸運...
雖然遇上L做左好多傻氣既事情...最後上天都安排C比你重遇上..
仲做埋老婆..過甜蜜生活..

安全感同安心感...真係要2人同心付出相向性要先有...仲要相守..更唔易..
Billy哥哥生命中已經找到對既人...真係難能可貴...羨慕ing...^^
haha..其實因已佔有左C...才變成有信任感哦....

你同C puppy love 行左幾耐?所因何事而分開呢?

係吖！唔係都唔會咁儍啦！

我同C係13年前認識，當時我year2佢year1，佢本身唔係香港出世，係馬來西亞華僑，十幾歲因為爸爸生意轉而左重要業務黎香港所以跟埋黎（同postit兄既T一樣屋企好有貨）
佢外貌同身型都條件好好，係街永遠有人望到擰返轉頭個種！（到而家差唔多32歲都仲好少女樣，有時未見過佢既朋友或同事見到佢既相會問我邊個黎？係咪靚模？ =.= 老婆不知有氣質過啲靚模幾多呀！）
當年開學前既summer break，佢出現係O'camp時已經係焦點所在！而我就係升year2，當年我又攪Chong 又攪So，咁啱佢玩兩個camp我一個做攪手一個仲做埋佢team leader，但係當時就算幾留意佢都好，唔敢追佢亦唔會特別對佢照顧，費事俾人覺得我為左追佢而公私不分咁（當年後生血氣方剛，好貪玩好外向，已經俾人感覺好花弗咁，就算普通傾多兩句只要俀火異性都會俾人感覺別有用心，呢啲死貓個時食左無數隻）
個幾星期個兩個o'camp同佢只係好普通既溝通，大家了解唔多，我知自己係特別留意佢（好似黃豬講咁天秤座對美既野特別欣賞）或者佢由細到大已經習慣別人經常將眼光投放係佢身上見怪不怪，加上其他男仔更倡狂獻欣勤既大有人在，所以佢都冇點在意我什至冇乜印像。
到9月開學啦，當年我就因為攪house chong所以係有得住hall，而佢就只係因為月year1學校俾一個sem既宿位，佢就揀左fall sem，雖然佢外表好吸引經常有男性圍係佢身邊俾人感覺感情生活一疜人好豐富，但原來佢從未拍過拖好乖乖女好怕羞，個一個sem我住三樓佢住四樓既。
講少少我當年既校圍生活啦，其實好糜爛，每日都勁走堂，瞓到下午三四點先起身，跟住就去cafe食tea煲煙吹水，夜晚一係出西貢食飯飲野（UST），返到Hall就打機冇四五點都唔會瞓！
其實都幾過份，堂就走晒，功課同exam都係抄同貓返黎！
開始時同C都唔多溝通見面，撞到就打下招呼，因為唔同dept，所以更唔會有話題。慢慢住耐左C都開始適應hall既生活（佢由細到大都俾人照顧得好好，所以啱啱開始咩都要自己黎唔係咁慣），見面多左有時仲會同返o'camp既member gather下，自己大佢一年唔想俾人覺得好似其他啲freshman咁圍住佢所以反而刻意同C保持距離好師兄師妹feel，佢都多左留意我因為見我成日偷望佢，又會係冇野做可以返hall時，但知佢差唔多完lecture就會hea等佢見多一兩面，但係當見到面又會好冷淡咁講兩句就算，同圍係佢身邊既男仔唔同（後來佢講返我知其實你好怕啲兵，佢唔係港女唔瘭日因為咁有優越感，反而覺得影響到佢既生活好煩，相反L係婇享受俾人追同暗戀，明知有男仔對佢有意思但就扮唔知，enjoy flirting）其實個時自己好白痴咁因為從來未真正拍過拖（因俾人感覺花弗冇女仔揀，自己亦唔敢追女仔怕俾人更加認定自己係玩家）
知自己對C有好感會因為奆個心囉囉攣想見佢，見到即使冇野講都會好開心姀想偷望佢！
而我當時都有幾個女性朋友成日一齊玩，但大家都好肯定對方唔啱自己，純粹朋友啱傾啱玩，咁C就久唔久會係campus撞到傾兩句就有女仔係後面叫我快啲行，C feel 到我係對佢有啲野但係又冇進一步（唔係同佢玩咩兩性關係，只係自己係情路初哥，又唔知原來佢都一樣，以為佢拍過好多次拖，所以完全唔敢表白或任何行動）
慢慢開始大家都留意大家，亦令身邊既人感到我地有啲野咁，開始當撞到對方時除左打招呼都見到對方欲言又止咁，又一晚係hall 樓下撞到，得我地兩個附近冇其他人，我鼓起勇氣問佢”咁啱既，未瞓呀？今晚個天幾靚，有冇與趣落碼頭行下呀？”（我地既hall係最低個座，向下行有段路係通去一個小碼頭既）其實都幾老土又白痴，夜媽媽個天咪又係黑色，有咩靚唔靚呀！

死啦，係咁打錯字，唔知你地睇唔睇得明呢...
哈，講L呻下估唔到而家又講到老婆身上，仲要從13年前講起，同L件事攪到時空交錯咁，會唔會睇到一頭霧水呢？

bill 兄，岩岩追完你既故事，真係唔知點講。成日睇戲睇劇，情節多數係女方忍受男方有正印，而你卻相反，作為男性真係好佩服你的忍受力。如果換轉我就一定做不到你咁偉大為 L 付出咁多。

我同你一樣也曾為一個女仔失去好多，感情啦，金錢啦，朋友啦，都係一一無哂，但我真係無法接受一個女仔同時間同兩個男仔一齊。

無論點，bill 兄依加都有美滿生活，前事只不過係一個回憶吧！

祝你同 bill 嫂生活愉快，白頭到老！

haha..黃豬又唔覺..雀係傻鳥..不知幾醒目

billy哥哥咁好文采..就算錯幾粒字都好明白感受到你的故事哦...

報捉隻豬:smile_43:

請問billy哥哥..C條件咁好又多兵...你話係普通男生..有無問番C當時為何會對你有意思及吸引到呢?

我鼓起勇氣問佢”咁啱既，未瞓呀？今晚個天幾靚，有冇與趣落碼頭行下呀？">>>>
都好利害十多年前既細節還仲記得...係咪用感覺記事所以好多說話都銘記於腦海...
回想就浮現番出黎....

hello...小乙..^^