hehe..billy哥哥好好哦...願分享故事..^^

黃豬係妹妹fans...認知一定比雀多dd啦

bill 無交待同 L開始時 L 有無同正式分手，但照佢咁寫我估 L 係呃住 Bill 同bf 來往，而經常講大話呃 bill 同 bf 約，所以比 bill 發覺，L應該係一腳踏兩船。

L 係未真係鐘意 bill 我就唔知，但我會覺得 bill 係受害者，如果唔係 bill 都唔使話要抽身而出，雖然一切係 bill 自願！

學無先後，達者為先…:smile_40:

青出於籃勝於籃！:smile_30:

呢件儍/戇居事做左成個星期啦 (如無記錯),, 其實我識個女仔，
大家係同事，不過唔同部門，正式講我係暗戀佢，:smile_44: :smile_44:


最終都無同佢表達，後尾佢離職了！:smile_13:

儍豬…:smile_40:

每次我都令自己平心靜氣先同佢傾，想理性坡心解決問題，但每次佢都覺得好難取捨，我俾到個男人俾唔到既溫柔照顧俾佢，但個男人兩年感情佢又唔捨得。佢覺得個男人冇逼佢離開我，但我就想佢盡快兩個揀一個... 覺得我唔夠個男人體諒佢亦覺得同佢一齊冇咁大壓力... 
或者你地會覺得我唔夠個男人大方，但當時佢話佢係同個男人分開左只係朋友，我先係佢男朋友...
有一次L叫我幫佢（佢係啲唔會理每次開支，例如電話費係唔會每月交等到人地打黎話再唔交錢會cut台先一次過交既人）睇下電話費啲數目啱唔啱，咁我就叫佢login俾我睇下啲數。（我承認我係好唔成熟侵犯左佢私隠... 但一次又一次既欺騙令我決定做一次賤人！雖然個ac睇到唔佢msg既內容，但我可以睇到佢打出打入既電話號碼）
我發覺每晚佢話好攰唔想傾電話想收線瞓覺！收線之後都係打呢個碼碼傾個幾兩個鐘！我好嬲！原來佢已經習慣每日講大話呃我！佢同呢個人傾電話仲多過成日同我講既說話！個心痛得好緊要！覺得自己一直珍而重之放係自己什至父母之上既呢份愛原來只係單方面... 對方跟本唔係咁諗... 原來我只係L心目中想成為一個傀儡，只需要做佢想我做既野，其他既事唔可以影響到佢所想...
呢件事令我開始對呢段關係失去信心，但始終愛佢唔捨得放手！

哈哈...雀係藍色毛...定係爛毛哦

eee...即係..之前post個個?..
雀原來係膽小鳥..^^

我唔識呢個男人所以唔知個號碼係咪佢既，但我知佢叫咩名！我好小學雞咁133打去叫佢個名，令失知道就係我唔想接受既結果... 我問L呢個係邊個，佢再講一次呃我話係普通朋友唔係呢個男人，當我話佢知我打過去，L就話其實個電話號碼係個男人同partner一齊用既公司電話要黎工作上用，佢只係打俾呢個common fd並唔係搵ex...
我唔可以話佢呢句肯定係大話，但我用三十年做人既sense覺得，既然係common fd 咁點解你唔一㧈佢既私人電話而要打公司手提？況且係公事用既咁無理由個電話會兩個人輪住用，咁啲客打黎次次唔同人接次次都要再講多次都好唔方便姐！佢認左係搵ex 傾！因為覺得我放唔開呢個男人攪到大家唔開心同時俾到壓力佢！佢覺得同呢個男大傾計冇壓力開心舒服好多，只係朋友關係冇其他！覺得我冇必要介意同唔開心！但當我問佢如果大家換轉身份我咁做佢會有咩感覺會唔會唔開心時佢就無言...
其實從一開始呢段關係我已經全情投入將我所有俾晒L... 什至連朋友都冇晒...
因為係同事，每日我會同佢一齊返工，陪佢返赤去坐低就幫佢洗杯斟水，跟住再落去買早餐俾佢，午餐一齊食，放工如果冇節目既就一齊食飯再送佢返屋企，或者返佢屋企一齊食，如果有節目既就陪佢行到夠鐘送佢搵朋友，再自己一個係街蕩到佢打俾我叫我接佢送佢返屋企... 
第一次送佢返屋企個6個鐘真係濕濕碎，佢罓口朋友去玩其實每次都同佢講會走既時間差幾個鐘，試過得8度既冬天係街等8個鐘... 試過第二朝10時要interview但佢想玩唔想咁早走等到凌晨5點先送佢返屋企結果第二朝冇去到... 每次我朋友打黎話有節目叫我大齊玩，我都話唔去啦，等緊女朋友送佢返屋企，費事過黎玩玩下要走，更加唔想L打俾我先係朋友度走要佢等... 一次又一次攪到朋友慢慢都唔搵我，而自己都唔敢聽朋友電話怕佢地又鬧我叫我唔好咁戇居...
自己慢慢係等L時都開始會諗... 係佢心目中係咪朋友比我更重要，所以每次佢都選擇朋友放棄我呢？明知我等佢都可以唔理... 一次姐，我只係想一次佢會同朋友講男朋友等緊好辛苦架我早啲走，只想咁樣黎氹自己開心... 可惜...
後來我諗通明白左唔係朋友定我問題... 係佢自己想玩唔想走，況且又唔係佢叫我等係我自己犯賤... 佢叫過我唔洗送佢可以自己返屋企，亦叫過我不如返屋企抖下，最多走前預早打俾我先出去接佢... 但我堅持係街等！可能你地會諗係咪唔想俾機會佢見ex先咁做... 事實係有時佢會堅持唔要我等佢，如果我等佢就同朋友講唔去啦，咁我諗如果佢係見呢個男人都係呢啲時候先見，同埋個啲節目佢係會專登熄電話等我搵唔到！（話想自己一個靜下冇人搵到佢喎）所以佢俾得我等既都唔會有呢個男人出現！
我堅持係街等係犯賤有屋企都唔返，但我真係擔心夜媽媽一個女仔，就算我屋企出黎都要時間，如果呢啲時間有咩事發生我會後悔同內疚一世原諒唔到自己（因為咁我對樓主同T既不幸好感觸）