係hk discuss 一段時間, 呢個係我第一個回覆0既主題。
因為我有個同樓主好相似0既故事, 估唔到, 竟然有其他人, 都會有一段相差29年0既故事...:smile_o14:
約6年前, 0個時我18歲, 剛剛出0黎做野, 係公司有個大我29歲0既男人,
本來我並不留意佢。有一日, 同個女同事傾計, 講起呢個男同事, 佢將男同事0既卡片收0左係員工證個套到, 佢話佢對呢個男人有0的感覺(事後, 佢攪清楚係爸爸0既感覺, 因為佢係單親家庭長大)。 0個時我都覺得好奇怪, 點解咁年輕0既女仔會對呢0的男人有感覺? 由0個日開始, 我不自覺咁開始留意呢個男人。 由同事口中, 我知道佢好多年之前已經離0左婚。 知道呢個消息後, 我覺得佢好可憐。 由於我0地住係同一區, 所以放工會係同一個巴士站等車。 我0地間唔中會係巴士站遇到, 久而久之, 我留意到佢每日都係大約0個個時間放工, 我開始特登撞佢, 扮晒咁0岩遇到。 過0左幾次之後, 佢見到我會笑得好開心( 佢有隻爆牙, 笑起0黎好燦爛, 我開始留意同埋成日諗起佢0既笑容)。 有一晚, 好忙, 大家都做到九點幾, 好自然咁一齊走, 一齊係公司樓下食飯, 一齊搭車。我0地住0既地方有一段距離, 大家平時會係唔同0既站落車。 0個晚, 佢話送我返屋企, 行行吓, 佢將手輕輕咁放係我背脊, 掃上掃落, 有幾吓, 會將隻手停0左係我patpat到。 我0個時其實有個中學時期已經一齊0既男朋友, 亦都有sex, 但係, 0個刻, 我0個心跳我好快, feel到自己塊面好熱好紅...
sorry, 打0左咁長, 始終呢個係樓主0既post, 我講住咁多先, 如果大家想知, 我就再講多0的。
