雖然I先生已經講左佢對我有感覺, 其實我知道自己都開始對佢有感覺, 但我話你已經有老婆. 同埋由細到大, 都覺得做第三者係好唔光彩既事, 讀咁多書, 有知識, 呢個世界仲有大把男人, 我同自己講, 唔好中個頭埋去.
但我地咩都會傾, 我自己既家事, 比朋友出賣, 拍拖遇到既衰人....等等, 可能佢大我好多既關係, 有事既時候佢會安慰我, 佢會好記得我講過既野, 鍾意既野. 有時可能係自己無心講出黎, 自己都唔記得, 但佢會一一記住. 呢樣野亦係而家d男仔欠缺既"細心".
結果, 有一日.....我唔知發咩神經, 做左主動, 約佢食lunch......我而家諗反都.......
佢一口答應左 ! 不過果日佢要出去做野, 我話如果你趕唔切, 可以約第二日, 唔使專登趕反黎. 當然, 最後都食得到. 普通既茶餐廳. 叫完野食, 佢拎左個盒仔出黎, 話送比我, 其實係朱古力......不過呢兩粒朱古力就貴lu, 個盒既design係by hermes ! 食完之後, 反到公司, 又msn....我問佢, 間野好唔好食? 佢竟然答我, ok掛, 唔知咩味道......因為掛住望我.
因為佢之前又幫我整d document, 又請我食朱古力, 連lunch都係佢請, 我比反錢佢都唔要. 咁我本身都有諗住請反佢食朱古力就算, 點知佢又送多盒朱古力比我. 咁岩果日team食糖水, 輪到我請, 咁我就問佢食唔食呀? 佢當然話好, 我問佢食乜, 佢叫我揀.....咁我就揀大路野啦, 芒果涼粉, 因為我本身對奶敏感, 所以都好自然叫走奶. 到放工, 佢問我可唔可以陪佢dinner, 因為佢要踢波, 我話都ok既.....咁就又陪佢食啦, 又傾多左好多野....
因為佢要踢波, 所以只係送我去搭車.
佢比左佢個電話no.我, 我話e....乜唔同上次果個既? 佢話果個係公司出既電話no. 呢個先係我自己既, 然後佢就問我拎電話......我話, um.....唔想比住喎. 佢話因為無得送我反去, 擔心我. 咁佢都無勉強我, 只係叫我反去屋企就sms佢. 我心諗, 我sms得你, 我就比左個電話no.你啦.....
當然, 我反到屋企, 都冇send sms比佢. 只係開住個msn, 上網, 做其他野.....等左好耐, 終於見到佢開msn, 佢話你真係唔send sms比我, 好擔心架.....
and then佢知我第二日要去飲宴, 我話飲完之後可能會同d frd去唱k, 佢就更加擔心,叫我去完之後打比佢, 等佢安心, 就算用133都好.....
我最後同佢講, 咁啦, 你咁想知我電話no., 你8日後就會知晒.....因為......我毎一日只係比一個數字佢........
{待續}
[ 本帖最後由 psky115 於 2012-4-21 02:35 PM 編輯 ]
