唯一能觸動我內心深處的人 (update #1, #13, #29, #40, #42, #57)
100%真人真事, 純粹想回憶反甜蜜既一切~
當中有悲有喜, 亦問準過當時人才打下關於我們的事.
我係女, 2X歲, 向某大公司做文職, 至今4年.
原本有一個穩定既男友, 但拍拖幾年,
發覺溝通, 性格, 大家match唔到, 當中傾談過好多次, 都冇任何進展, 佢對我亦愛理不理....最後開始心淡了, 拉据之間.....出現了一個影響我一生既"他"........
"他"稱為I先生吧....大我11年
I先生同我同公司, 在這公司做了1X年, 已婚.....
I先生跟"她"是初戀到結婚的......
*************
回到兩年半前, 我一直都是靜靜的待在自己的崗位, 緊守本份, 反工放工, 同男友出街.....
有一天, 突然一堆男人搬左黎我地果層樓. 由於我地果team全女班, 所以都會望一望, 不過冇乜特別. 平時做野都唔會接觸得到.
有一次, 因為我要搵個靚位影相, 於是走左去佢地果邊, 搵d空白位影, 我就feel到I先生不停咁向後望住我......但係feel到還feel到, 都係扮冇事, 繼續做自己野.
跟住有時行出行入, 我明明知道佢係望住我, 但我都專登唔望佢, 唔想有eye contact. 由於公司要upgrade電腦, 原來佢負責我地條team, 有一日佢就幫我整, 全程大家都零溝通.....佢整完之後, 我終於同佢講第一句野 : 唔該你.......
{待續}
[ 本帖最後由 psky115 於 2012-4-28 01:50 PM 編輯 ]
