一連兩日都放假，雖然要出街，但係都有時間上黎繼續分享。
昨晚我俾Ｚ睇左我地既故事，佢坐係梳化，拎住我部 notebook 睇，一邊笑一邊流淚。佢話我都寫得幾好，勾番起佢好多回憶。我坐係佢身邊，問佢：「如果我寫埋落去，可能會好敏感，你介唔介意？」
Ｚ諗左幾秒，係我耳邊同我講：「佢地話你文筆細膩，咁既然係寫，你就寫得細膩Ｄ啦。我都係你讀者黎架。」
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
同Ｚ一齊，錫同攬既時候，我唔係無諗過要更進一步。畢竟我係一個正常男人，佢係一個好可愛既女仔。我地錫既時候，我係有正常反應的。
起初Ｚ發現我褲頭裡面隆起左，我都幾尷尬，但係我都同佢解釋，依個係正常男人既生理反應，而有生理反應唔代表即刻要解決。佢有問過我：「如
果唔解決，有無問題架？」我話：「無，係緊小小，過左一陣就會鬆番。」
我地拍拖初期，中間有一條界線。我唔會摸佢既重要部位，佢當然亦都唔會摸我；佢唔會訓係我張床度，亦都唔會係我屋企過夜。
對話裡面，我地有好多好多溝通，亦間中包括性。一齊左大概四五個月，我地開始有幻想過將來既日子、婚姻、生兒育女，亦有性方面。我地大家都有共識，交往耐Ｄ先開始有性生活，會對大家既感情都好Ｄ（唔敢係度得罪大家，依個只不過係我地既諗法）。
去到佢生日前後（佢舊年 11 月初滿左 21 歲），有一次，我係佢屋企整電腦，set緊ｄ上網既野。我坐係度整整下，佢突然從後攬住左我，我感覺到佢攬得我好緊，feel 到背脊有野頂住（其實Ｚ身材唔差，但我唔會係依度透露）。
我好溫柔咁講：「喂，做咩呀你？」之後我轉身起左身，攬住佢係咁 french kiss，推左佢埋牆邊，kiss 左一陣，之後分開左。
我地對望左兩秒，忽然我諗起ｄ野，問：「你上次Ｍ係幾時？」
Ｚ諗左一諗，講左個日子，問：「做咩咁問？」
我好狡猾咁回答：「咁女仔係會有Ｄ日子特別衝動架嘛。」
Ｚ好疑惑咁望住我。之後，佢垂下頭，無正視我，好細聲咁問：「其實，嗯，你會唔會想同我再 close 一ｄ？」
我當然明白，回答：「嗯，我想。」Ｚ抬頭望住我，但我補充：「但係，我地要考慮，我地既感情係唔係已經成熟呢，咁當然都ＯＫ啦，咁仲有其他野，譬如，你會唔會後悔，同埋，我地有冇咩安全措施呢。」Ｚ俾我煩完一輪，放開左我。果一次，我地無結論。果晚，亦無再提起。
（待續）
