仲有，我份工，係真係好忙既。但係我唔會係依度詳細講解我點忙點忙。
當然，做到咁上下年資，好多野，可以俾ｄ初級ｄ既同事去跟進。

幾時到戲玉

支持你, 我都係中年人士, 同一個細自己十二年的女仔拍左近八年拖,
明白你的想法, 之前係公司試過被靚妹女同事引, 又試過其他場合咁樣,
反而冇即時反應去所謂食佢, 之後都冇發生咩事,
係因為唔係後生仔啦, 好多野做之前會想多點, 顧慮亦多左,
希望你同 Z 小姐生活快樂, 開開心心啦.......

繼續留意你的故事發展......, thx!

醫生哥哥 , 支持你

哈哈哈。。。。講得好岩

比靚妹女同事引？咁有無上到床先。。。。講黎聽下好喎

唔一定，以前識個男老師教小學，空堂係上網吹水，放工落吧溝女，放假北上尋歡，係睇你性格，本身SOCIAL就乜職業都?到食，毒就做顧客服務要接觸客既點都冇野食

我地一齊左之後，大家好開心。我返工佢返學既生活如常，彼此都好有動力。

佢讀書比以前更勤力，測驗考試表現良好，依個，係我最最最開心既（因為我都係一個對自己有要求既人）。有時我都會充當佢既補習老師，佢出實習好多所見所聞，亦都會同我分享。我覺得，佢比之前愈黎愈成熟，當然，係因為 nursing 課程要見好多好多野，包括生老病死、家屬既百態、病房既人事問題等等。

星期一至五夜晚，如果佢俾我早返到屋企，佢會幫我執下屋（我俾左條後備鎖匙佢），買定料，煮定一Ｄ野食，等我放工一齊食。有時如果佢約朋友，佢都會係十一點之前番到黎，當然，佢會黎搵左我先返自己屋企。

我地好少行街、出街食飯、去戲院睇戲，我地見面既地點，大多只會係我屋企，或者佢屋企。

當然，我地會有我地親密既時刻，但拍左拖頭十個月，都只限於攬同錫。

我記得第二次錫，係拍左拖第二日，我地番到屋企，食完野，佢好依依不捨咁返去佢果邊。係佢開大門既時候，我又用雙手拖住左佢雙手，輕輕拉佢埋黎我身邊。其實女仔黎講Ｚ都算高（大約168cm），而我就大概177cm高，要錫既話，都幾match。當時，我側過頭，避開左大家既鼻哥，主動去錫佢個咀。佢鬆開左我雙手，手臂繞到我頸後面，而我就攬住佢，突然間，佢咬我下唇，而我都輕輕咬番佢。就係咁，我地每日如果見到面，都會錫。有時係門口，大家最依依不捨既時候；有時係梳化，我抱住佢，大家 french kiss，可以 kiss 幾個字時間。

我地好有共識，佢從來都唔會去我張床度。就算佢唔舒服，都會番去佢自己果邊訓，更唔好話係我依邊過夜。

依樣野，我地守左十個月時間，直至去年十一月，先有突破。

[ 本帖最後由 cutandrepair 於 2012-4-2 06:12 PM 編輯 ]

回憶即係冇再一齊？

噢~Ｅ生叔叔你終於回應下~good good:smile_o12::smile_o12: