your pics is very attractive...

e生,你睇我睇你編野幾仔細:smile_30:

嘩！你好識玩心理戰！欲擒先縱！等佢感情陷得深d再食佢！妙計！

今日放假，應該可以分享多小小。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

之後一排，我同Ｚ無再搵過大家，大家繼續各有各忙。放工返到屋企，Ｚ無再係我開門之前同我打招呼，我入到屋，亦會禁制自己唔好行去客廳窗前望佢。基本上，我地斷絕左聯絡兩個星期，因為Ｚ姑媽姑丈亦都好忙，應該係公司趕 peak season，所以都無搵我地食飯。

一月尾，仲有幾日就過年，有一日我係樓下開信箱，見到Ｚ俾左一張好短好簡單既便條我，佢Ｄ中文字好靚好整齊。上面用書面語寫住：

「這兩星期，我思前想後，反覆想過我們的關係。現在，我很冷靜地將自己的感覺告訴你：你每天在醫院對病人，你不會有完全把握令病人有更美好的人生，但，病人仍願意將自己交托給你。

我，願意做你的病人。

Ｚ」

在升降機裡面，我望住佢Ｄ字，視線變得模糊。

好清楚記得，果日，係一個星期日。Ｚ，應該會係大概五點左右，係姑媽屋企番黎。我揸左架車，停左係自己屋苑大閘出面，我想等佢。

五點半左右，Ｚ係我視線遠處出現。佢行左一陣，見到我，我向佢招手，示意上車。

Ｚ唔顯得特別開心，佢冇咩表情，開左車門，上左黎。

「我地去遊下車河好唔好？」我問。
Ｚ簡單回應：「嗯。」

架車行左好耐，我無咩目的要去邊。全程，我同Ｚ都冇講野，但係好多文字係我腦海裡面，直至我地泊左係西貢，落左車，好慢咁行左去海濱長廊。果日西貢好旺好嘈，我同Ｚ講：「我地行遠Ｄ先，我，有野想同你講。」

行到好遠，天已經全黑。佢跟住我，係一個位置停止左步伐，佢企左係我右邊，一齊望海。

我開口：「我講過，我地除左係屋主同埋租客，亦都係亦師亦友既關係。」
佢無出聲。
我：「將來有一日，你可能唔會再要租我既單位，你可能會搬走。」
佢垂下頭。
我：「有一日，你可能唔再需要我做你老師，解決你既學業問題。」
佢吸左一啖氣。
我繼續：「但係依家，係眼前，我最希望既，係我地平平等等咁，去發展男女朋友關係。」

佢呆左，轉頭望住我。

我既右手拖住佢隻左手，拉左佢轉身，我地對望，我隻左手拖埋佢隻右手。到依家，我都仲覺得好sweet。

我：「我唔要你叫我做醫生哥哥，我亦都唔要你當我係強者，我想我地係依段關係裡面，係平等既，係互相依賴既。好唔好？」

佢ｄ眼淚，已經係眼簾填到滿晒。

我：「可唔可以做我女朋友？」

Ｚ望住我，眼神好堅定。我好慢咁錫左埋去佢個咀度，印左一印，分開左。

我感覺到自己心跳得好快。

（待續）

[ 本帖最後由 cutandrepair 於 2012-4-2 05:26 PM 編輯 ]

可能佢係心理e生,不過e生識捉人心理,當個女仔係病人

可能啦係作啩...
但總好過有d人從某些網站將人地整篇文章copy n paste 過來
比人踢爆左仲要話係別人偷佢文章
由文至相全部都係偷

好睇喎，等更新。

sweet die me la...e生
好似睇緊小說咁呀..

一定渣都冇得淨喇！

我開口：「我講過，我地除左係屋主同埋租客，亦都係亦師亦友既關係。」
佢無出聲。
我：「將來有一日，你可能唔會再要租我既單位，你可能會搬走。」
佢垂下頭。
我：「有一日，你可能唔再需要我做你老師，解決你既學業問題。」
佢吸左一啖氣。
我繼續：「但係依家，係眼前，我最希望既，係我地平平等等咁，去發展男女朋友關係。」( this makes the foundation that u can have sex with her!! u are so smart in psychology warfare!!)

@@@@@@@@@@@@@@@@@@@@@@@@@@@@@@@@@@@@@@@@@@@@@@@@