Good post.

A relationship / marriage depends on two parties, if either one is not willing to maintain, then that relationship will be broken, no matter how long the relationship lasted.

But your case is that your wife fell with another guy, maybe it's not so common, as compared with the opposite.  

Anyway, a specialist undoubtedly got the charisma to attract woman / girl , hehe

good story, continue please..

支持支持:smile_o12: :smile_o12:

:smile_44: :smile_44: :smile_44: :smile_44: :smile_44:

樓主，只要你同佢係真心相愛，愛你地嘅人都會祝福你地

請問樓主係咩科既醫生呀?

跟Ms Zero有同樣feeling: The story is past tense!

e 生叔叔應該好忙，:smile_42:

Ｚ康復後同埋2011年元誕前後，我地既關係有Ｄ微妙既變化。佢姑媽姑丈唔上黎煮飯既日子，佢會係我臨放工既鐘數，打電話問我一唔一齊食飯。我留意到佢以前會係學校留得夜Ｄ，但依家，一放學就返屋企。有時候，佢會買埋野食，預埋我。

有好幾次，我步出升降機，拎鎖匙，佢已經打開自己門同我打招呼。

心如鹿撞既感覺已經成日我生活一部份。我好留意佢既作息，如果佢係我面前，我會留意佢既一舉一動。大家既言談同溝通充滿歡笑聲，而話題，亦都好廣泛，包括佢中學既野、依家番學既野、屋企既野，而我，係佢面前，亦都唔會再避談我既失敗婚姻。

我當時唔知道依Ｄ算唔算曖昧行為，我只係知道，我生命好似多左Ｄ野，好充實，好奇妙，令我好有動力。當然，我地好有默契咁，係佢姑媽姑丈面前，保持亦師亦有既關係。

一月過左幾日，有日係佢屋企食飯。
佢忽然間話：「我知過幾日係你生日。」
我：「你點知？」
Ｚ：「姑媽話我知。」
我繼續食野，Ｚ問：「你有冇約人？」
我：「有無約人，關你咩事呢？」同佢熟左，我已經可好串咁同佢講野。
Ｚ很大膽：「我想同你食飯。」

我知道佢想約我，所以，我同佢講左一個大話：「醫院同事約左我。」
Ｚ一臉失望，之後餐飯，我地都食得唔係太自然。

生日果日係一個星期六，我上午做完野，其實下午就可以放工。果日下午，我返左自己老家，同阿爸阿媽飲茶，之後行左一陣街。係唔係我冇人約呢？其實唔係。只不過係我唔鐘意朋友特登食餐飯黎同你慶祝。況且，踏入41歲，我已經冇左生日既興奮感覺。

但係，果個下午，其實我冇一刻冇停止過諗起Ｚ。

果日係星期六，Ｚ應該係姑媽屋企。我行街行到八點幾，返屋企。入到屋，雖然知道佢唔係度，但係都好自然走到窗前主望下，Ｚ的單位熄晒燈。

沖完涼，我打番開窗簾。此刻，iPhone有個whatsapp message，係Ｚ：「喂，我好似唔記得熄熱水爐，麻煩你幫我睇睇呀，唔該晒。」

我過左去，開門，漆黑一片。我摸到燈掣，一開燈，我發現Ｚ就企係我面前。

我眼前一亮，因為Ｚ著得好靚。果晚，佢著左一套好有少女味道既黑色晚裝裙，唔算低胸，但係都幾緊身。
Ｚ捧住一個迷你版既生日蛋糕，大叫：「生日快樂呀。」

我掩住喜悅，好慢咁講：「你搞咁多野，就係為左等我入黎？」


＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我知道大家等左好耐，我諗下一篇，會有大家想睇既野。


（待續）