字裡行間覺得樓主好用心寫，讚！

very nice post (by man) , fully support

等緊你既 UPDATE,

雖然你寫得好好, 不過可以寫長 D 先 take breaking 嗎 ??,  thx

忘年戀。。。。仲有無下文？！
跟住會點？

個女仔仲細。。。到醫生叔叔變成伯伯時。。。美少女變成出黎工作既成熟職業女性。。。。關係都係好難不變。。。。:smile_39:

其實人過四十。。 性方面。。。比起之前係差左？！:smile_41:

元配走左，識左個後生嘅，但係會唔會溝通唔到？

後生女。。。有叔叔教路。。。應該唔會溝通唔同

就係咁，我地開始左亦師亦友既關係。有時候，佢姑媽姑丈收工之後會過黎煮飯食，八點開飯，我放工之後都可以JOIN埋一齊，四個人係Ｚ住果邊食飯，基本上一個星期有兩三日都會見到。

我屋企客廳隻大窗可以見到佢既窗台，我每日放工返屋企，都會睇下佢返黎未。有一日，我放工，自己食左飯，沖左涼，走去客廳開返個窗簾。我一開，見到佢係屋企望住我。我呆一呆，佢都嚇左一跳，跟住佢笑得好甜咁同我揮手，打開隻窗，同我講：「你好呀，醫生哥哥。」

我心諗，成 40 歲人仲算哥哥？
我問Ｚ：「點呀，番學有冇野唔明？」
Ｚ：「無呀，但係，我煮左糖水，想請你食。」
我：「好呀，多謝，咁你過黎啦。」

門打開，佢拎住一碗糖水，好開心咁入左我屋企，放左係我飯檯。
我問：「我成 40 歲，你仲叫我做哥哥？」
Ｚ：「你雖然我姑媽既中學同學，但係我唔覺得你老。」
我刻意板起臉，說：「我係你既長輩。」事後，我覺得，依句野係我同自己講既。
Ｚ又扁咀，但忽然間好大膽咁轉話題：「上次我講左我爸爸媽媽既野俾你聽，」佢跟住問：「我想問下
你同你老婆既野？」
我更正：「已經係前妻喇。」

Ｚ：「姑媽話你前妻離開左你，點解會咁既？」
我：「你都幾八掛。」
佢有Ｄ唔好意思，但我都有答佢：「佢覺得我唔適合佢。」

我無刻意提及是因為前妻有第三者，但係最尾，係佢估到。

Ｚ：「點解你咁好，佢都咁架。」
我無言，始終，離婚差不多一年，我好少好少同人主動講起。

Ｚ：「你係好人，你一定會搵到個更好既人同你一齊。」
Ｚ望住我，眼神好堅定，堅定到我同佢對望左幾秒，間屋好靜。

佢又轉話題：「聖誕節，我會上大陸做義工，幾日至返黎。」
我幫佢洗完隻碗，俾番佢。佢出門口之後，我望住張飯檯，有Ｄ不捨既感覺。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

依家回憶番，我覺得好神奇。好多好多細節同埋對話，我都仲好記得。可能太刻骨銘心吧。

有網友話我在玩火。依個問題，我亦不停反覆問自己。回憶依兩年同佢發展既關係，雖然我地未想公開，但係真係好開心。開心，包括好多方面，感情方面，我覺得好滿足；性關係呢，大家最關心啦，我都覺得好好。

以下落黎既章節，我一定會好仔細咁同大家交代，請大家俾Ｄ耐性。亦都好多謝大家支持。

（待續）

[ 本帖最後由 cutandrepair 於 2012-4-1 01:59 PM 編輯 ]

:smile_o05: 好sweet a.....

感情世界，你情佢願，洗諗咁多其他人睇法，認真，就已經好好！

支持口竹

睇到你編文章真係sweet sweet,
其實隔咁遠溝唔溝通到呢??
雖然話無分年齡界限,但係溝通先係最重要.