Update 4)
4)
電話響起,一個無印象既電話..
我: 喂喂
d: 喂,係咪p呀? 我係d,仲記唔記得我呀?
我: 唔好意思? 係邊個?
d: 哦, 咁即係餐謝命宴無得食啦?
我: (而家先諗起係邊個) 哦...記得啦,記得啦.
d: 咁你今晚得閒嗎?
我: 今晚得,過2晚得嗎?
d: 真係咁忙?
我: 岩岩忙緊啲野
d: 咁好啦就後晚食飯啦
我: 咁妳想食咩呀?
d: 無所謂,靜靜地傾到偈就ok
我: 咁我地去麥記買外賣去海邊食啦, 夠靜啦?
d: 謝命宴食麥記?
我: 講笑啫,我諗下食乜先
d: ok
到左當日,d提意打邊爐,就去左打邊爐,如我所料,d係岩岩分左手,想搵人傾下,所以搵左我,我亦都同d傾左好多我既過去,佢EQ
都好好,全程大家都傾得幾開心,之後大家都出黎食過好多次飯,對我而言,D係一個幾好既偈訴對像,但就唔會覺得有機會發展,
點解? 我都唔知,可能係果個時間,我跟住唔想拍拖,只係想要一個好好既朋友可以偈訴對象,而D都唔想拍拖住,同我一樣,想搵
一個好好既聆聽者及支持者.
有一次同D去食飯,岩岩撞到F,咁3個人就一齊食飯,呢餐飯,F對D好有敵意,對D樣樣都好不滿,令我同D都食得好唔舒服,跟住我叫
左D去TOILET,同F講
我: 妳無事丫嗎?做咩好似樣樣都頂住晒?
F: 無呀
我: 仲話無? 妳樣樣都頂到D好行..
F: 唔鍾意我咪走羅
我: 如果妳真係食得唔舒服咁妳可以走先
F: 我做錯啲乜野?點解個個都咁對我?
我: 吓? 妳講咩呀? 妳係咪唔開心?
F: 岩岩散左,都係你衰,令我投入唔到同第二個一齊
我: 我同D無野架,唔好咁對人
F: 知啦
D: (去完TOILET返黎)傾緊乜野咁好傾?
F: P係一個衰人黎,成日鬧人
我: ..........
D: 哈,P好好脾氣果喎,唔似會鬧人果啲人
F: 妳識佢幾耐,知幾多丫,不過P真係唔識鬧人,不過頭先因為妳話我羅...
D: (望一望我)因為我?
F: 哈哈, 唔係,講笑咋,岩岩嬲緊啲野,所以心情唔係咁好.
我: .....(都仲係無野講)
D: 唔怪得頭先..我講咩都好似妳唔鍾意啦,放心喎F,我同P,無野果喎,手仔都未掂過.
呢餐飯慢慢氣氧無咁彊,但我就輪為D & F 既玩物成日都無啦啦就講到我度.
之後無幾耐, F因為散左,想叫我陪佢去旅行散下心,當時,我都想行開一下,就同左F去左旅行.
待續~~~
