2)
就咁，D就走左，我自已坐左係後面啲花曹果度，諗緊我到底做乜，諗諗下，有個男人坐埋黎
男：你好
我： 係，你好
男： 你好似有啲心事喎
我： 有咩事？
男： 見你好似好唔開心
我： 哦，無事啦（其實有啲驚）
男： （拍一拍我膊頭）我以前有個好好既太太，不過佢1年前血癌走左
我： （有無咁準呀？咁都知我咩事？）咁你一定好傷心啦
男： 係呀，不過而家我女朋友啦，仲好好添
我： （有無變得太快呀）哦，咁咪幾好。。。
男： 記得一句野，女死女還在
我： （唔知點解好嬲）你老婆先走左1年，你咁快搵第2個你都唔覺得有問題，仲好似好開心咁。。
男： 你覺得佢走左我會開心？我會一啲都唔傷心？，只係想比你知，笑又要過日子，咸又要過日子
我：（心入面非常唔認同佢呢一套）唔好意思，我有啲事行先。
跟住我自已一個係尖沙咀行盪嚟盪去，慢無目的，呢排好似唔洗食，唔洗訓咁，短短兩個星期,體重急降20磅,亦因體重急降,係街上暈倒入院.
唔知點解,入院第二日,F黎左探我.
f: 你點呀?
我: 無乜野,妳點知我入左院
f: 尋日搵過你,伯母聽電話講
我: 哦,咁即係妳知發生左咩事
f: 嗯,唔好太過傷心啦
我: 嗯
f: 你瘦左好多,唔靚仔啦...
我: 咁點都唔會靚仔得過a 啦
f: 無同佢一齊啦
我: 係呀
f: 不如,同返我一齊丫
我: 唔想傾呢d野.
f: 煲左啲粥比你
我: 無胃口,唔想食野
f: 比我係度陪你一齊可以嗎?
我: 隨便..(跟住就檸轉身,背住f)
f: 其實知你同返t一齊,我好開心,因為只有t我先放心, 我欠左你好多,亦傷害你好深,但我尋日知t走左, 我知你一定好唔開心,好想陪住你.....
待續~~~
