首先真係好多謝大家, 咁認真去對待我呢個親身經歷, 而唔係當故仔去睇…….
多謝讚我文筆好既人, 其實都唔係好好, 只不過, 係述說自己既事情, 自然係比到咁既感覺大家….
講返正題, 其實本來今日要出trip, 但係呢, 因為個客人既行程有變, 唔使出去, 而係等下星期一, 個客黎香港先傾…….
而我成日都無回大家, 係因為, 我急不及待咁去咗搵Joanne, 同佢講咗我係真心鍾意佢, 只會同佢一個一齊, 呢個唔係選擇, 而係我願意同可以為Joanne做既野…….
至於Katrina,
我係電話上同佢講咗我既決定, 佢當然有極力挽留, 但係我主意已決, 係時候到我自私, 講真, 同邊個一齊都好, 我先27, 生埋日先28, 就算5年後回復單身, 我都仲大把市場, 怕咩呀!??!
今日全日陪住Joanne, 佢緊係好開心啦, 我都會盡力幫佢升大學, 幫佢規劃好佢既未來, 希望比到最好既生活佢,…..
我諗都有朋友想知Katrina係一個點既女人, 等我係呢度講下, 大家知我年紀, 所以, 我係大學final year同K開始既, 佢係一個好叻既女仔, 一畢業搵到份好工, 事業算係有成就, 而佢事事都比我行先一步, 老實講, 係佢令我成長, 係佢教識我好多野………我都要多謝佢..............
假如大家唔知我同K一齊都仲出去同其他女人ons, 同唔同既女人上床, 我諗有8,9成人會覺得我係一個好男人, 好男朋友, 呢啲全歸功於K……..
佢係一個好有主見既女仔, 好識照顧自己, 無一樣野需要我操心, 而點解我會出到去偷食, 係因為我地會比好多空間對方, 當然佢知唔知我有出去偷食, 就唔知啦……..
回應一下, 有人會話”你自己出去偷食, 仲講到自己專一, 真係好笑”, 你啱, 我都唔係咩好人, 但係同Joanne一齊之後, 所有野都變晒, 連出去飲野都少咗好多, 莫講話ONS………
唔知仲會唔會有下文, 因為Katrina話要同我見面, 講清楚, 約咗聽日見面, 我會出去同佢傾, 但我有信心唔會動搖, 因為我將K呢個要求都同Joanne講咗, 我同J講如果佢唔想, 我可以唔去, 但佢都讚成我應該去見K, 所以我係唔會辜負J既呢份信任…………
其實由決定同J一齊個一刻起, K佢係澳洲發生咩事, 我已經覺得唔重要啦, 重要既係, 我要全心全意咁愛Joanne……………..
如果聽日有咩事發生, 我會再同大家update, 再次多謝大家咁支持我, 希望我能夠同Joanne, 行到最後啦!!!!!!!
不過我從此修心養性, 只係能夠分享以前既經歷比大家……….之後可能唔會再有咩故事可以同大家分享lu………….
P.S. 我一定會同大家分享我人生第一個同最後一個鬼妹既故事!
