讚成樓主同k 分手...
可以瞞你一次(外國)..
難保冇第二次...
而且當初係佢選去外國而唔選你
你要得到一樣夥...就要有心理準備會失去另一樣野ga 啦....
ps7年唔係差好多姐...大把人差十幾年都係咁行...你應該驚19歲考唔到上學要去外國讀書先真

难为你～～～

從來引版都只係睇, 但你呢個 post 令我開過個 account 都要 reply.
好細緻, 完全感受到當中既感動. :smile_o12:

我覺得一定係揀 J.

K 或者係掛住你, 不過呢個人太恨心. 八個月前你地相戀中, 佢竟然可以話走就走, 完全不留情面, 太自私, 亦好懷疑佢對你既愛 or 佢對感情呢樣野有幾咁唔珍惜. 我絕對相信江山易改呢個事實. 唔講佢會唔會有下一次, 就呢一次佢咁走得就已經冇得返轉頭, 你同佢一齊, 佢愛你有幾多, 係咪真係咁簡單既就可以一直落去, 真係無信心, 更加好懷疑.

反觀 J, 佢從來未有背叛過你, 佢對你都幾義無反顧, 的確都係因為佢既真誠而令你可以由 K 之中走出黎. 同佢一齊唔係責任, 唔係話怕唔怕 HURT 到佢, 而係佢真係值得你花更多既人生黎同佢一齊.  你地差別好大嗎 ? 只係幾年而己, 你既人生經驗絕對夠佢緊緊既愛上你, 大學生活又如何 ? 女仔心智都成熟得快過男仔, 當大學男生仲低低BB既時候, 你已經成長, 比起佢既大學同學有絕對既優勢, 有咩好驚 ?

我今年岩岩22..同之前個個一齊左六年…散左五個月…岩岩散個陣個個56日都去蒲…雖然現家已搵到個新…但個心都仲係投入唔到落去…

樓主簡邊個, 其實心中有數.

K 一個唔該飛去外國, 唔夠一年又死番黎仲要唔好問咁多; 我話之樓主同K有幾耐感情﹑向天發誓幾多野, 連最簡單既「溝通」「相量」都唔識: 假如結左婚後雙方有乜野大決定既話, 我推量都係由 K話晒事, 樓主你唔準意見!

至於 J 講到一定嫁硬樓主咁, 細路女根本連外邊世界係點有咩人都未見識足夠, 你唔比 J 將來上到大學第二﹑三年時有機會去外國度實習/見學之類, 到時認識其他人後又覺得那邊有男仔比樓主更好更關心最後到 J 把持不定!? 對 J 以上既都只係一個假設, 但樓主如果你真心為 J 好, 又係咪會作出乜野 promise 去 keep 段感情? 假如 J 又好似當年 K 去外國時既 promise 最後反口, 樓主你又會點應對?

簡誰人做另一半唔係重點, 最重要誰人係會同樓主你開心到永遠既另一半, 並唔係要 ONS 果一刻快感既另一半!! 更唔係要谷氣到永遠既另一半!!!

[ 本帖最後由 sexman44264 於 2012-2-4 11:14 AM 編輯 ]

同樓上好多師兄一樣，好耐冇log in留言啦。
寫得好好真係要比個like你！
其實如果我係你都唔識簡，
我諗真係你自己先feel到，希望你之後冇簡錯。

同樓主講下Pure Math：
1，比較現在J同K硬／軟件，J＞H
2，比較呢一期J同K對你付出的愛，J＞H
3，比較將來與J同K的幸福，J=H，點解？因為大家都係個問號！上帝話事，所以唔使諗咁多！

其實上帝都幫你揀了！J想跟你拍拖，就安排K遠走！

K一定係跟佬，先叫你唔好問，先會包容你同J的事，有邊個女人咁大方？

易地而處, "經歷好好多野, 大家家庭既生離死別", 咁點解 K 又可以話走就走 !? 佢本來係去一年之嘛, 一年就要分開 !? 之後一齊到既就一齊 !? 嘿... 好明顯, "經歷好好多野, 大家家庭既生離死別" 呢樣野在佢眼中都根本都唔當係咩.

你對佢既承諾, 係佢決定就咁走果一刻已經失效啦.  衰D講, 唔通有日佢害你全家, 你都仲要守呢D承諾咩 ?

至於佢咩咩就黎三十, 呢樣野你就太天真啦, 世事從來都冇定律, 話唔定, 佢聽日就遇到個更好既呢, 當初你又會估到自己會遇到 J ?

Ching, 岩岩䏲曬篇文，好好睇!!

如果我係你，我會用心去feel下自己鐘意邊個多D...

愛情無得客觀計....

雖然係色情版, 但都幾好內容... 換轉係我, 我都揀J , 唔係年紀問題, 而係找一個愛自己多一點的人會好好多... 唔係叫你去呃妹妹仔, 只係覺得J 至少會比K 愛你多很多.. .. . . .到最後J 可能都離開你, 但你拍拖時的待遇一定唔會差, 相反K 已經年紀開始大, 勉強落去都唔好, 而且你同K 已經有咗裂口