Part XXIV
當我問t咩事呀?好似仲有d 心事咁時間,t就突然喊得好勁, 我將t緊緊既攬實,掃下佢個頭.
t: (喊左一陣) 其實我係同daddy嗌大交走返黎,但我同daddy傾過好多次,佢都唔比
我: 咁妳有咩打算?
t: 我已經咩打算都無..
我: 咁不如我打比妳daddy同佢傾下..
t: 唔好啦,daddy 咁唔鍾意你
我: 就係比妳daddy覺得我無用,我先要打佢,以前妳daddy覺得我照顧唔到妳,我當時只係諗錢方面既野,但我覺得妳daddy當時真係講得好啱,我比妳daddy講2句就無去爭取,當然錢係重要,但問題係,當時既我都好幼稚,唔得成熟,怕事,妳daddy點會放心將個女交比一個咁既人.
t: (喊得仲勁)但我真係想同你一齊
我: 聽日返左香港,我親自打電話比妳daddy啦,我想同佢傾下
t: 妳唔驚?
我: 妳daddy唔會係個電話度咬我掛?
t: (又笑又喊)傻佬
我: 我都真係好想同妳一齊,以前我唔識爭取,但而家我會為我同妳既將來去爭取
t: 你真係唔同左
我: 咪又係之前果個傻佬
t: 傻佬~~~~~~
我: 比妳叫到我軟晒起晒雞皮啦
t: 果度硬咪得羅
我: 我同以前唔同左嗎,我而家唔似硬漢咩?
t: 係,所以話妳唔同左,內在外在都好硬..
我: 緊係,唔係點橕住我地既將來
t: 好man 呀
我: 傻婆,早啲訓啦,聽日早d 返香港打比妳daddy
到左第二朝我地再係澳門食左d野,跟住就返香港,我地去左t既亞姨屋企.
羅起電話,諗都無諗d咩就打比t既daddy,因為我知道,越諗只會越比自己更多藉口,聽到電話有接駁既聲,每響一下,就緊張一d,直到聽到電話桶轉來既一聲,"hello", 我個心真係跳左出黎,但都要話比自己聽,我唔可以驚.
我: 我係p
td: 打黎咩事呀(好火 :smile_o02: )
我: 可以同你傾下嗎?
td: t係咪同你一齊
我: 係,所以我想打電話比你同你講佢無事,另外有d事想同你傾下
td: 有咩好傾? t都已經唔聽我講
我: 世伯,首先真係對唔住先,但我真係有誠意同你傾一傾t既將來
td: ok,有咩你叫返t返黎先再傾
我: 世伯,不如比小小時間我講小小野先可唔可以
td: 講
我: 以前你講得我岩,我當時真係無能力去照顧t,但而家既我,我相信我已經有能力去照顧t,請妳放心將t交比我
td: 有能力照顧t就唔會令到t自己走左去香港,你咁樣做咩用意
我: (硬食,根本唔係我叫)好對唔住,但我真係有誠意同信心可以令t幸福
td: 你朋咩?
我: 比2年時間我,我一定會証明比世伯你睇
td: 仲要等2年呀?
我: 其實上次見返t果時,我已經好努力咁做野,我覺得我係呢2年一定可以令到世伯伯母放心
td: (開始有小小軟化)我點解要信你,你咩都無我點放心比t跟你
我: 所以我先叫世伯你比2年時間我,世伯你係做生意既人,你都知錢唔係變出黎,係要努力去做.
td: 你等我諗下先,點都好,你叫t走就唔岩
我: 好對唔住,一定唔會有下次
td: 過兩日我再打比我,到時我睇下點先,比個電話t
t: sorry daddy,其實係我自己走返黎,p係唔知
td: 你唔洗幫住個衰仔
t: daddy,真係係我自己返黎,mammy都知..
td: 妳地個個都當我無到,總之玩過兩日就好返黎
t: 唔返得唔得
td: 無得傾 :smile_o02:
t: 我想同p一齊
td: 再講就咩都唔洗傾
就咁就收左線,收左線之後,我先鬆返一口氣,但t既daddy要t返返去先,真係好唔鍾意咁.
t: 傻佬你好叻仔呀
我: 都講唔掂妳daddy有咩叻
t: 已經好叻,起碼你可以令我daddy話諗下,佢從來唔會改變佢既主意架
我: 過2日要打多次比世伯..
t: 咁再計啦,唔好諗住
待續..........
