Part3
我番到屋企都見到C番到去自己屋企了,佢係咁係skype叫我,又send信息比我,我都無理佢,因為我諗緊老死既說話,我雖然口講就話佢狼死啫,但講真,頭先個下真係想搵佢同我開罐頭,點解?咪因為我個款無咩市場,驚做老處女囉!依家諗番起真係覺得好笑,18歲就驚做老處女!
C:老婆,我番到屋企啦^^
C:老婆,做咩唔應我啊?
C:老婆,老公好掛住你啊^^
C:老婆,對唔住啊,我知我頭先太心急,我唔會再有下次啦,快d打比我啦＞＜
我回一回神望一望電腦同電話就見到一大堆呢d野,心諗,第一次見佢就老婆?即係點啊?傻架?但心入面都覺得好甜^^跟住落黎個10日左右啦,C每日都會係某幾個時間都會打比我傾下計,只係傾計,我係到諗,咩拍拖唔係會行下街出黎食下飯架咩?點解C只係打下電話比我?唔約下我出黎?到頭黎佢答我既原因就係簡單一句「我唔中意出街,番工好辛苦」屌!我唔洗番工咩?哂氣!
C:老婆,我今晚好掛住你,我好想見到你啊
我:依家成12點啦喎
C:不如你今晚上黎陪我打機啊
我:你知我係唔會咁快比你架,何況我地見過一次面,又未真係咁了解大家,咁快上你到....
C:我應承你,今晚真係淨係打機,我唔會掂你,老婆,我真係好想見你=3=
我:咁我依家過黎啊....
我收左C線即刻又打比老死....
我:C叫我今晚上佢到啊,點啊?
老死:上咪即係恭喜你可以破處,唔上咪即係你仲會係處囉,屌!
我:佢話今晚一定唔會掂我架＞＜
老死:哂氣啦,你唔記得你上次同佢第一次見都打哂車輪,又渣你個波啦,今次你成個人送去佢屋企唔通真係打機咩?
我:咁唔去啦我(其實個陣我係一路換3一路同老死講電話)好啦,轉頭打比你,整埋d野先!
我坐到車去C屋企樓下叫佢落黎接我,我仲記得個晚係幾冬下,我見到佢著條短褲落黎接我==
