Part XVI
聽到佢DADDY咁講,覺得自己真係好無用,雖然之前諗過,2個人一齊有粥食粥有飯食飯,但再諗深一層,我真係好似襯唔起T,雖然同佢出街好多時都係我比或者AA,但我當真係無乜點儲錢,總係覺得樣樣都比唔到T咁,可能自卑心令我覺得高"盼"唔起T,我都好直接同T講分手,但內心當然係萬個唔願意同好痛,只可以怪自己以前唔努力讀書,又唔比心機做野,只係有份工就算咁既心態,而T亦都知點解,佢都有問係咪佢DADDY同我講過野,我無答佢,只係講完分手,就走,唔想比太多時間,驚時間越耐越唔捨得..
過左幾日,收到T既MSG, MSG係: P,我唔明點解妳會分手,但我明白係我DADDY同妳講左D 好難聽既說話,我要飛啦,我地仲係朋友? 希望可以係MSN,可以繼續同妳分享我地既生活既點滴. T.
睇完呢個MSG,因為我覺我已經失去左一生中最愛,係先後失去F同T,令我覺得人生點解係咁?愛情到底係點架?點解2個人既事,但又咁多人係度咁多野,我就開始進入一個都幾頹廢既生活,我既頹廢唔係飲酒落D果D,日日返工都無心機,唔想做野,好懶散,放左工就去機舖打機,打到唔知時間!日日如是.咩國家大事總之就咩都唔想理..總之就好PAIR...
但好奇怪,係咁頹廢既時間,都仲有女會痴埋黎,有一日係機舖,有個女仔(W),又係無啦啦走黎答訕
W: HI
我: 望一望佢,繼續打機
W: 你好似日日都黎打機喎
我: 有咩事
W: 無呀,妳好似唔洗返屋企,唔洗做野咁既?
我: 咁有咩事?
W: 無呀,我都好悶,想搵個人傾下偈..
我: 搵妳D 朋友啦,我唔係好人黎.
W: 你咁得意既,話自己唔好人都有既.
我: (唔記得果舖係輸左定無繼續打)妳咩事呀,咁煩架..
W: 不如陪我去飲杯野丫.
我:你唔驚我溶左妳就行啦
就咁就同左W 去左飲野,佢好多野講,一輪咀,未停過,而我就唔知係度做乜,又無乜點聽佢講,只係係度飲野,都無乜出聲,就連”嗯””哦"果D都無,但佢都真係好好野,咁都可以唔停咁講,到佢講到問我有無拍拖,有無女朋友既野,我終於都急唔住講左一句, 可唔可以靜下? W有小小呆左,加有D唔開心,但我真係無乜理佢感受..靜左一陣,我同佢講返SORRY,W跟住講
W: 我都係岩岩失戀
我: SORRY
W: 我唔知妳發生事,但我只想搵個人傾下偈
我: 我唔係好識講野,SORRY
W: 由佢啦,比你電話我
我: 12345678
W: 我可唔可以搵妳架
我: 你叫咩名?
W: W, 咁我得閒打比妳架拉
我: 我唔鍾意傾電話,有咩黎機舖搵我啦,妳都知我日日係度.
W: 哦~
我: 咁走啦,想返去訓
W: 好呀,跟住W 就賣左單走人
我: 比返錢W,但W無要,話係佢叫我去飲喎, 事旦,唔鍾意推推去.
就咁,W成日去都去機舖搵我,跟住就去飲下野睇下戲咁....
待續..........
