Part VIII
同F相處好甜密,時間過得好快己經拍左拖差唔多半年,當時我屋企有D事,令到我好煩,平時我有咩都會同F講,但當時唔係幾敢講比佢知,因為都係關於父母既一啲事,總之屋企成日都嘈,返到屋企,亞媽就鬧人,咩都可以鬧一餐,好多時都好無理,呢件事我只係輕輕帶過就算,因為如果同F講,佢就會好唔開心,因為佢會諗返佢企啲野,我係一個可以將自己情緒收得好埋既人,所以返工又好,對住F又好,都唔會有人覺得我唔開心！
另一方便，F既EX (A),搵返F,想同返F一齊,A係一個幾靚仔屋企又有錢既人,而A係F既第一個BF,A既DADDY同F既DADDY係工作上係有D合作,今次A再出現我有D攪心，A完全唔理F有無BF,亦都跟本唔理我既存在,經常搵F,而F開始都無厘佢,但A對F做左好多野,包括日日送花,日日去等F放工,亦都係咁打比F,F都好少聽佢電話,但有時覺得實左太煩.
佢都足足追左F2個幾月,令F覺得A無以前咁煩,我相信仲令F對A以前既野都掉底左!無幾耐,我知道F開始同A有單獨出街,而F都無同我講,令我都好唔開心,有一日,我問F.
我:不如我地結婚丫(想睇下F有咩返應)
F:我地拍左拖都無一年,咁快?
我:都要PLAN下丫嗎,我雖然有儲錢,但都想計劃好D
F:有小小想回避我既問題,咁都要儲多幾年錢先喎
我
我已經有小小知發生咩事)正當我想錫F既額頭既時候,佢迫開左.
F:A搵過我,佢想同返我一齊
我:我知,妳想同返佢一齊?
F:唔知,佢對我好好,但我知妳對我都好好,我好辛苦.
我:記唔記得妳生日果時,係浴室同我講過D 咩?
F:靜左
我都靚左,跟住就離開左F屋企,自己一個行左去尖沙咀,買左幾罐啤酒就坐左係碼頭果度自己係度飲酒同吹下風.
本身屋企有D事,令我都唔係好想返屋企,而家F又咁,雖然無講分手,但已經好明白我係佢心目中已經無咁重要,F打比我.
F:SORRY
我:SORRY 咩?
F:令我唔開心
我:無出聲,繼續飲酒.
F:可唔可以比時間我諗下
我:我有選擇權咩? 我只可以等答案
F:唔好咁啦,我知對你妳唔公平
我:咁妳諗完先啦(其實已經知答案)
我第一次係條街度喊,雖然唔係好大聲,但仲引到D途人既目光,我唔想喊,但D眼淚就好似杯水滿晒,仲"JUMP"水落個杯咁,係咁流出黎,控制唔到,好想大嗌,但一向唔會向人表露唔開心既我,又點會咁做,係碼頭坐左好耐,眼淚流到好似已經流汗咁,但個心仲係好痛!好唔舒服,由夜晚7點幾好多好多人,坐到11點幾!突然覺得好凍,但唔想郁,咩都唔想做!係呢個時間,有個女仔(T)行過黎,
T: 你有無事呀?
我:無出聲,唔想講野.
T: 我岩岩去完醫院探完我麻麻,佢有CANCER,可唔可以"痴"罐啤酒飲.
我:都係無出聲
T: 自己羅左罐啤酒開黎飲,就挨左落我膊頭.
我:我有女朋友,唔好挨住我
T: 我無男朋友,想借個膊頭挨一挨
我:都係無出聲...
我同T2個人,咁就坐左2個幾鐘,應該都差唔多2點幾,
T:坐左好耐不如走羅
我:妳快D返屋企啦好夜.
T:我唔走?
我:想坐多一陣
T:就咁..我陪多你一陣..
我:唔洗啦,好夜,都係無出聲.
T:咁夜,我自己一個人返去好危險..可以送我嗎?
我:我送妳返去,仲危險.
T:要危險頭先都已經有先兆啦!
我:咁妳住邊呀? 講完就的士送左佢返屋企,仲要送埋佢入屋,佢話驚一個人所以想我送到入屋.
T:問我羅電話,話我送佢返企,想請我食飯.
我:唔洗啦...
T:搶左我電話打比自己,打完之後,就比返個電我,跟住講,我叫T,多謝.
我:只係講左句BYEBYE,就走左.
待續..........
