引用:
原帖由 ccmhkg 於 2011-11-17 09:57 AM 發表 
Please tell me your experience :smile_o06: :smile_o06:
總括來講，事件有四
1. 落機羅車，夜媽媽去到酒店先話無位，去附近睇有無得拍，搵到Wilson但價錢係100蚊港紙一個鐘，一晚要1000，無寫錯，係1000，玩左成個鐘都係返去同佢噪，佢死死地氣比個位我。
2. 香港來講，仲有成四分之一缸油應該有排用（起碼港島東去沙頭角），咁我咪唔入油囉，點知唔入就瀨野，人生路不熟，行左個幾鐘都無油站，仲著埋油燈，最慘係趕船（去玩嘅船），跟住即刻關冷氣，個心跳得越來越快，個人又熱，唔知唔會唔心臟病法，最後唯有轉出Highway試一試（趕緊路，得十分鐘BUFFER），差唔來絕望嘅時候，比我見到間油站，果一刻差D喊出來。
3. 其實唔係得香港D路牌先唔清晰，就連果度都係。我雖有GPS，我去的地方亦是旅遊區（入到去一個旅客都無）但真係比佢玩謝。我沿住路牌行山路，GPS顯示我到了但真係咩都無，我只好繼續行，行到分支路我只好繼續行，行多十五分鐘，經過一片被燒焦的樹林，沿路無一車或人，我不禁有D驚，於是返回剛才的分支路，回到分支路剛巧遇見有人，問佢佢話應該係直去但唔近，於是我唯有再行過同時亦要睇住D時間，事關沿途無街燈，太耐搵唔到就要走免得危險。咁我就一路行，行返剛才燒焦的樹林，再行多大約十五分鐘（已半個鐘），終於見到對頭車，個心先至定D，再行多一陣終於見到路牌，於是我就義無反顧咁向前行，最終用左超過一個鐘去行呢條山路。出返去就好快，熟左路我KEEP住行一百，因為快要天黑怕危險同我想返去影有名嘅Blue Mountain日落，可惜都係趕唔切。
4. 去左個島，佢有D主題公園，個SHOW七點開始，以我地香港人嘅習慣，當然睇完先食野，但呢個觀念響果面係完全錯，睇完走人已經好似死城，無野食。咁試下搵野食啦，你揸住車成半個鐘都無人無車無燈，能見度只係得你嘅車頭燈，個感覺完全係Bio Hazard加陰陽路第九十九集，唔知會唔會突然有D溪錢或者喪屍出來，咁唯有調頭返住所喇，太黑真係驚突然有車剷埋黎見唔到
