掃黃行動升級 街頭陷阱要小心
深圳快將舉行世界大學生運動會，有關當局為保形象，早在4月已放風會進行清洗太平地，但仍然無阻北上尋歡的港客，因為根據以往的記錄，就算是掃也有情講的，但由6月開始，掃黃行動逐漸升級，不少玩家也中了招，他們更形容現在北上已變成陷阱處處，隨時都會身陷險境。
轉移陣地
有好多北上客近日都因為想避開掃黃行動，轉移到較遠的地方尋歡，但早已是聞名全國的「性地」東莞，已經被納入掃黃行動的重地，據聞有上頭密令，所有涉及嫖妓被捕的境外人士，全部不准以罰款代罪，硬性規定行政拘留15天；消息一傳出，嚇到好多玩家腳仔軟，當地的娛樂場所，更加聞風喪膽，好多囡囡都紛紛避走他鄉，所以就算更色膽包天的客人，上到去都係得個吉。過往省廳下達嘅掃黃指令，都會有一個期限，例如為期半年或一年不等，但今次以拘禁代罰款的指令，卻沒說明期限，可見嚴厲程度已達極級。
誤中副車
小木有老友風聞有玩家在口岸附近，因為接了娛樂場所的卡片而被拉了，最終也一併當成嫖客，要行政拘留15天，所以搞到好多北上客都心驚膽跳，寧願紮炮都唔想冒險。事關入大倉行政拘留唔係人咁品，情況十分惡劣，隨時唔死一身病痛出番嚟！所以依家北上一定要小心，街上好多陷阱更加要避之則吉，平時有靚女企喺街，梗係望多兩眼，依家反而要愈多靚女嘅地方就愈要避開。遇上有人派卡片更加要走頭，千祈唔好接，因為好多公安會潛伏在暗處，一見有行動就出嚟拉人，原本諗住上去玩，結果畀人拉咗就好唔抵喇！
雞飛狗走
有不少娛樂場所的負責人，也開始自行整肅店內的經營模式，正骨仍然繼續運作，邪骨就要全面停止，收入一定會大受影響，但大勢所趨，不得不從。當中有些囡囡已考慮到東北地區搵食，以往很少深圳及東莞一齊掃的，今次因為舉行大運會，為免形象受損，所以掃得更徹底。其中主場館所在的龍崗區，早已經被公安洗得乾乾淨淨，連帶其他娛樂場所集中的黑點如上沙、下沙、沙嘴及水圍，現時亦已雞飛狗走。據小木老友收風話，今次深圳掃黃行動將持續一年，絕對無誇張。
