part 5
............
細妹係電話話請我食嘢, 我雖然驚喜但都冇特別放係心.
但過佐兩三日一個晏晝, 佢真係打我電話, 話晚上請我食日本嘢, 我特登同佢講: 咁唔請你家姐呀? 佢話, 家姐今晚返夜, 下次請佢啦. 佢又咁清楚佢家姐返夜嘅. 咁好啦. 有得食, 正!!
送佐女友返工, 就到旺角去匯合女友細妹….嗰晚, 係第一次同佢完全單獨食嘢. 原來佢都好傾得, 熟落佐咩都可以傾, 連佢以前同D男仔D嘢都傾佐一大餐…我又亂吹一通搞到佢好開心, 係咁笑….或者當中又因為經過上次, 佢對我嘅信任已完全達到一個好高水平. 但當晚, 佢完全冇提過或者問醉酒嗰晚D嘢...
好開心好輕鬆一餐晚餐, 之後送佢返屋企. 佢都話, 今晚好開心. 最後仲講佐一句: 好羡慕家姐.
羡慕? 佢咩意思呢? 但我都特別放在心上……此自, 我地係MSN上邊都開始傾計…
就咁樣, 之後多佐同細妹一齊食嘢, 大部分女友都知, 有D就只有我地兩個人. 我地兩個, 或者三個人一齊時間都比多佐…..女友都樂得有佢細妹陪我, 唔使我係佢返夜之後一個人咁悶. 仲話佢細妹嗰晚之後, 特別感激我, 讚賞我gentlemen...
就咁樣一兩個月吧, 有一晚, 女友突然好認真咁話同我商量一下. 原來佢細妹要讀D咩進修, 一星期有一, 兩晚要返我地附近一間學校. 佢話, 咁近我地, 而且我地又有一個書房, 好唔好俾佢個妹係我地呢度過夜, 佢就唔使咁夜趕返屋企, 第二朝早上返工又方便D.
我聽佐都呆一呆, 呆嘅原因係, 竟然呢個建議係我女友提出, 之前只聽過佢細妹講過話快要進修…..
我當時當然要同我女友講佐一D利弊, 其實當然係利多過弊啦. 你知, 我都係故意將說話講在前, 擔心佢地兩個有矛盾, 過多同我有矛盾.
但女友話, 佢地兩姊妹咁好感情, 唔會有問題, 如果有問題, 就會將我趕出門口就得啦! 仲開玩笑咁話, 有個細妹晚上睇實我, 佢就放心好多o咼…
我就開玩笑話, 可能你個細妹會食佐我呢….我女友就狂笑: 佢先冇你咁色呀, 你想三人行? 好………..難呀!!! 就順手一個cushion飛過嚟….然後狂笑.
女友咁開心嘅??
我自己諗, 真係唔知…細妹留宿, 係唔係一個天大嘅好消息??
....
太忙....食lunch時間只能打咁多先...唔好意思...:smile_13:
[ 本帖最後由 kkeyy 於 2011-6-8 02:55 PM 編輯 ]