引用:
原帖由 南島 於 2011-5-18 11:27 PM 發表 
我真係仲意左佢，不過第一次發覺佢關機，當時我有被呃感覺，心裏就唔甘心。我係因為仲意佢，所以依家明知被呃，但抽唔到身，我係想立即離開，但落唔到手，衰唔捨得呀，所以我經常心痛辛苦！
其實,我真係好想知你幾大係唔係單身?20?30?40?定50?廿幾既後生仔,愛得咁深?如果但係經濟上,又好似唔似,可能我見得人少啦!如果你50,咁我就覺得,唔怪得你會咁樣囉!喺深圳,我週不時都見到D幾十既老頭拖住D20既靚女,唔係睇唔過眼,人地有錢,對方又要錢,一拍即合!追番青春喎,李咩基都話想用8成身家黎去換30年青春啦!同條廿既女一齊,唔多唔少,都會覺得後生D!有D人就唔甘心,我用左咁多錢,求咩呀?青春呀!感情呀,初戀呀,幾多錢都買唔到!
正常一個男人,咁多師兄講都講到口臭,換番黎既,就係.....我知架,我知條女呃我錢架,但係我唔捨得呀,依個世界再無女我可以睇得上眼架,係,係我犯賤,你地講咩我知架,但我唔會聽囉,但我又無處發洩,同D朋友講?咪比人笑囉!話我傻仔囉,都幫我唔到,喺依度,你又唔識我,你地又咁得閒,咪寫出黎,睇下你地講咩囉!
睇左你咁耐,我會覺得,你想講既重點,就係點解你咁對佢,俾咁多錢去支持佢既生活,想佢重生,又話佢都要食飯,我俾錢佢有咩問題?救得一個得一個嘛!點解佢會咁對我?一時一樣?如果,我話如果,你真係一個老野,咁就真係無問題,條女都無問題!你幾拾,條女都俾你吊,你仲想點?錢就跌緊啦!有D人會自以為自己係謝老四,可以媾件廿幾既,講到尾,味錢囉!係架,有D人唔知自己年齡問題,仲以為條女係衰女,我俾左十萬八萬,你咁對我?我仲有心有力,你當我流架?
如果你唔係謝老四,我三十都未到,仲年青有為既話,咁,我判斷你心理有問題喇!
知唔知咩叫SM?有D人真係鍾意沉醉於愛與痛的邊緣,鍾意俾人打俾人罵!從中去尋求一D我到而家都體會唔到既苦澀中再帶出既快感!可能連你自己都唔知發生咩事,只係知道,我搵佢唔到,果種拿住拿住,痛不欲生既感覺,做左華D,我空虛,我痛咁!誰人明白我???
好多有病既,都唔知道自己有病!可悲!!!
你唔係抽唔到身,係抽離唔到你自己既幻想.睇醫生啦!!!
你估,依度真係有醫生咩!!!
