一時好快快講錯啫, 我都成日係咁, STEPHENINE VS STEPHY, JOANNE VS JOANNA等.
都唔算係咩, 不用太介意啊!
咁佢打比你做咩呢? 有無新進展?

你有無覺得到佢電話, 見到來電顯示的一刻, 係開心過收到BILLY 電話呢?
你試下唸返那感覺, 那你就知自己中唔中意BILLY 的了.
有咩感覺?

UPDATE 下你地先, 我個心好煩, 唔知煩咩, 但好煩. 今天發生了幾件事.

(1)今日佢行過我位幾次, 每次都望住我, 我回望佢同佢SAY HI 但佢又無反應喎. 都唔知佢做咩
(2)我MSN佢同佢講工作上的事, 佢一句都沒有回覆
(3)我見佢唔係位 (佢同A坐隔離), 我就行過去A 到比返野A, 順便傾計, 點知原來佢站在A 前面位同事到講野, 佢望住我同A 傾計, 我身背住佢, 後來我行埋一邊時, 佢WU 晒身去望我, 剛剛我探頭出黎同A 講野, 就比我見到, 我地四目交投, 佢就閃返埋去.
(4)今日A 無過黎搵我, 佢話佢忙, 我唔知係因為忙定驚左他. 總之有他在, 他就不會走過來. 但晚上又狂SEND FB MESSAGE 比我喎, 都唔知佢想點.
(5)放工時, 我明明見他已離開, 他離開後, 我才慢慢執野走, 我估我遲佢幾部LIFT 吧. 我行到落樓, 我見到佢慢慢的行, 我心唸無理由我遲咁佢咁多出門都遇到? 我繼續行扮見唔到佢, 佢在我前面行, 我見佢不時微微擰轉頭好似望我咁. 我地行不同路, 但最終又遇返, 佢不斷要超前我, 是想我看到他嗎? 我真的不知道, 但他沒有叫我, 我也沒有叫佢, 因為我MSN佢, 佢沒有回應我, 那我叫佢有咩用喎.

上述事可能有點亂, 因為我是按時序的, 希望你地明白啦.
但我為此心情矛盾.
對他, 他搞咩呢? 又繼續他的望望望, 明望同偷望都有喎. 既然係咁, 我MSN佢, 佢又唔理我, 又唔回應我? 到放工, 我有感覺他是慢行等我, 因為無理田佢仍會見到我, 我遲過佢出門口喎, 我見到佢時, 佢行得好慢, 但見到我後就行返NORMAL, 又成日超前我. 我感覺佢想我看到他. 是, 我是看到他, 但我沒有叫他.

對A, 我對A有點失望, 他一回來他就不敢過黎同我傾計, 怕他嗎? 若果驚, 就咪晚上SENT FB MESSAGE 比我啦, 都唔知佢想點.

唉, 唸唔明佢地, 有點煩呀!

係佢面前真空凸點,妳仲要將個波壓落佢到,如果佢敢都唔搞妳,應該對你真係無晒興趣

我根本唔使做到咁佢已經頂唔順, 我有次只係企佢後面企得好貼佢己經頂唔順咁, 但..... 當時在公司, 難道....
算了.

1)比着我,say hi佢唔應,我就唔再care佢架喇~咩料先?
2)講公事都唔應就好過份喎!不過佢係咪有責任要應你先?同埋你公司用msn溝通?
3)佢好似我之前個ex,做到咁出面,證明佢唔怕醜同厚臉皮;不過,咁樣同佢之前既行為有d矛盾,妳話佢想d人覺得妳做主動,但佢咁做咪即係唔怕比d人知佢留意你?
   其實佢之前勁望妳,望到妳老細都知嗰時佢都好出位喎~不過咁又點?最尾咪又係一場空,你唔好咁care佢d 小動作,你就黎又上檔喇:smile_13:
4)咁呀A真係有可能怕左佢先咁冷淡既,或者你觀察多幾日先囉~
    如果呀A真係怕佢,咁你覺得點?你介意?
5)聽你咁形容,我剩係覺得佢好無聊!!!有咩就開口講,搞咁多小動作做咩?
   妳唔出聲叫佢正路呀~但點解妳咁care?

我覺得,如果妳真係對佢無感覺,無論佢想食回頭草抑或純粹搞小動作,妳都冇興趣理同唔在乎...
所以,妳成篇野我剩係覺得妳好care佢
當妳真係放底一個人,應該對佢連好奇心都冇!

至於呀A,其實妳係咪鍾意佢呢?

其實我唔介意,因為我對佢已經冇咗感覺了
我只不過想講,佢根本從來都冇諗過我啫
從佢說話推測,佢應該上次sms時我報上名來嗰陣,佢睇少左個英文字母
e.g.我叫fiona,佢睇少個a字,睇到fion,就以為我係佢識得既一個叫fion既女仔
咁啱佢有事要搵呢個叫fion既女仔,所以就打錯左比我
我聽到fion之後話"下"嗰陣,佢再講左個中文名出黎,然後我先再問佢知唔知我係邊個

我收到佢電話只係覺得愕然同奇怪,冇開心興奮既感覺;
冇得咁比較,因為前提係我已經對佢冇左感覺

我都唔知點解仍然有點在意他, 雖然比以前已經放低好多, 但對他怎樣待我, 我仍有點著緊, 有點好奇. 我會嘗試放輕一點, 唔理佢D小動作, 其實由大家可以傾返計後, 已經覺得無咩野, 無咩感覺了.
至於A, 我都驚我會在不知不覺中喜歡他. 其實初時, 我真的以為佢想追我隔離位女同事, 我咪唸住幫佢, 後來至發覺唔多對路, 佢個TARGET 似係我多D, 由上星期, 我地有幾日一齊放工, 又放工去飲野, 我已經覺得有點不對路, 怎說好呢? A並不顯露出佢是故意約我, 就好像咁啱遇到, 咁啱大家都想飲野就去咁, 並不是很刻意似的. 我仍在觀察階段, 但對他沒有好大的感覺, 只是工作很悶, 亦不開心時, 他總會不斷在我身邊講笑話逗我開心, 為此, 我都很想和他傾計的. 起碼都開心一點. 但若果話那種愛情的感覺, 就沒有了像和他一起的感覺.

以現時為止, 我對A 和對他應該一樣, 要時間觀察一下. 好煩呀

唉, 等我仲以為你地可以發展下, 原來只係一個美麗的誤會.
不用灰心呢, 世事難料啊
或者明天.... 明天有新發展呢. 誰知?

呢兩日有冇新進展先?
唔...唔知係咪我疑心大,我覺得呀A一係佢想追妳,一係就...有D問題..
即係我對於嗰d唔肯(夠膽)喺其他人面前承認/表現鍾意自己既人,極大戒心
因為真係鍾意一個人,唔會無啦啦有必要掩飾掛?
咩居心先?
不過你對佢,都唔係鍾意,所以都冇需深究..
呀A黎同你傾計氹你開心,咪enjoy,下囉,其他事理得佢呀:smile_44:

至於佢,ok慢慢黎~反正妳話冇咩感覺,我唔擔心

哈哈, 平靜左幾日, 因為我要做功課, 我偷懶在公司做功課, 所以無理佢, 因為要做POWERPOINT, 唉, 真係讀書至有做, 無做好耐都唔識做. 我MSN 問佢熟唔熟POWERPOINT, 佢無答, 唔答咪算囉, 我咪問A 囉, 仲有另一位男同事, 又問電腦人. 我幾乎日日都搵佢地幫手.
今日放工, 我留在公司做一陣 (唔知點解公司同屋企個VERSION 唔同, 我係屋企搞唔惦), 佢放工經過, "扒"在我前面, 問我放工未, 問我去邊, 跟住話等我埋我. 佢都等左我五六分鐘啦. 我地一齊走, 初初在LIFT 時都有點尷尬, 無講野, 我也發揮了我公關的本色, 同佢傾計.
佢好奇怪, 我每次同佢講野, 佢都咪咪咀笑, 有時又會偷笑, 我也解釋唔到佢笑咩. 但我唔中意佢一路同我傾計,一路拎住個IPHONE 睇野, 佢望一眼電話, 又望我一眼, 我有點不滿, 不過我無出聲, 對他沒有期望就不會嬲啦.
今日, 佢向我解釋左好多野, 佢不斷解釋話自己在公司很忙, 成日不在位, 看不到MSN MESSAGE, 看到時已經係一兩個小時後的事. 仲有話我一OFFLINE 佢就回唔到, 不似INSTALLED MSN 咁可以留OFFLINE MESSAGE, 又話我成日OFFLINE, 佢想回我MESSAGE 也不能......
還有, 當佢問我最近忙咩時, 我答佢我做緊功課, 我反問佢 " 我又唔識做POWERPOINT, 問你, 你又唔理我, 仲好講", 佢有反應喎, 佢話 "我收到你個MESSAGE 時已經好遲, 你都已經有人幫緊啦" ("有人"兩隻字特別大聲), 我反問佢係邊個, 佢無出聲, 佢只係望住我. 我又反問佢點解知有人幫我時, 佢無答我. 其實我估佢聽到阿A 同我講電話, 幫我解決POWERPOINT 問題. (阿A 坐佢隔離). 我之前咪講過佢地兩個好怪. 我繼而試下佢.
我同佢講阿A 好怪, 琴日無啦啦同我道歉, 我對佢講, 我打電話問A 問題, A 話佢同同事傾緊野, 一陣搵我, 咁我咪搵另一個同事幫手囉. 阿A應該知道, 後來A 就打電話比我, 同我道歉, 係咪好難?我都覺得怪，所以同佢講, 佢一聽到, 面無表情, 扯開話題, 完全唔想聽咁.
我今日試過架啦, 我對佢提起其他男同事時, 佢都一齊講的, 但當我同佢講阿A時, 佢就扯開話題. 你估佢係咪因為見我同阿A一齊FRIEND 左就唔意, 迫到佢要出手, 等我放工呢?

講多樣, 其實同日, 佢放工時又問我走未, 我答" 有排都未得, 你又唔幫我?", 他細細聲答"唔係有阿A 幫你咩?" , 佢有醋意嗎?

今日, 無之前咁開心, 完全覺得無咩野咁. 可能真係淡左了. 而家都好, 做返FRIEND 囉!