唔係喎,因為步姐有pm我,應該係搞緊手續咯喎..
但都係等步姐自己講:smile_27:

hehe~好少撞到你!

兩樣都啱.
感情沒有了, 但手續仍進行中, 因為結婚不久, 不能離婚的, 要等, 除非我告佢或佢告我通姦, 否則就係要等囉. 真矛盾, 唔想時間過得快, 但又想快D 搞惦.

我咪打算以平常心對佢, 就好似普通朋友/ 同事咁囉. 可以打招呼, 可以傾計, 普通同事咁. 因為真係死左條心了.
佢個NOTES你地都睇過啦, 擺明話我知佢有中意既人, 但唔係我, 咁我仲等黎做咩, 情況就好似你申請左份工, 人地比左封REJECT LETTER 你, 你連WAITING LIST 都無份, 仲等?
這就是我黎緊對佢的態度了. 平常心吧.
我之前咪講過我有個男同事(坐佢隔離), 其實我對佢無FEEL, 但佢成日走黎逗我開心, 我這幾天不開心, 佢FB 同我CHART, 陪住我! 我在想, 勿論人地對我有無意思, 起碼當我朋友, 他呢? 除了果晚約我食飯外, 就沒有了. 那還存厚望??
不過, 我之前都講過, 我係要講好多好多次至會聽的人, 若果一次就成功, 我地都唔會不斷在這裡傾, 可以成為網友啦.
我驚, 我的所謂 "心死" "下定決心", 決唔夠兩日又黎了.

我今天沒有返工, 繼續做逃工威龍, 但原來佢又病假喎, 壞了我大計, 本來我係想等佢見唔到我, 看看佢的反應.
佢這幾天不斷將病情寫在FB, 我都想關心佢, 但..... 唉.....
我會忍住的. 至於工作... 感情.... 由於工作上的失意, 我開始搵工了, 我思前想後, 我並沒法接受到我拎三個月人工賠比人走. 所以我打算一搵到工, 就賠錢走, 咁到時, 工作的不開心, 感情上的折磨都一次過解決了. 這個安排好嗎? 有工作介紹我嗎?

之前, 我咪話我對他表示我辭職了, 然很無返工兩日, 今日佢見到我, 好似很呺然, 望住我笑, 想同我講野咁, 但佢頭望後望一望同事, 再望一望我, 但沒有講話.
晚上, 我返到屋企, 佢仍在公司, MSN 傾了一會, 佢問我 "NOT RESIGN LA", 我咪答佢, 佢話"DUN DO THE STUPID THINGS", 講左好多似, 之後話估我唔會走 (莫非睇死我為左佢唔走?), 我問原因, 他沒有說, 再講多次"DUN DO THE STUPID THINGS", 對於我辭職一事, 不提, 我個軍師話佢唔想我走. 但坦白講, 我FEEL 唔佢這個意思喎, 你地FEEL 到嗎?
然後, 我對佢講話醫生比左十天病假我, 佢就問我咩病, 我話心病, 佢就不斷講自己仲病過我之類. 傾左一陣, 佢放工了.

你地覺得我地依家維持在有傾有講的關係好D, 或是以前唔睬好D 呢?

總算見你積極番,開始有計劃解決他同工作..
不過呢,你成日話死心,
但死完心又仲在乎他點諗,所以你得個講字:smile_22:

其實我仲未振作返架, 主要係工作.
都唔知係好事定壞事, 之前, 我以為我只會為他唔開心, 但今次, 因為工作問題, 我賞過有史以來最唔開心的時期, 原來我唔開心唔係完全因為佢.
講都唔信, 我果日好唔開心, 一個人在街上, 行倦了就坐在公園椅上, 同佢SMS, 感覺不是開心, 而只是有個人和我打發時期似的. 當我收到佢SMS 約我食飯, 我又無開心的感覺, 當時只係唸住, 自己無心情食野, 咁夜唔知食唔食好 (你知會肥架啦), 約會地點, 佢想係佢屋企附近或公司附近, 我當時仲係唸, 又要搭車, 好煩架喎, 當時無咩特別, 無特別開心的感覺. 當見到同事時, 只係覺得尷尬, 並沒有好嬲.,,.... 總之好平淡.

原來要去到一個令自己更DOWN 既位置才會發現自己係點對佢. 之前, 我咪同你講自己刻服唔到同佢講野, 同佢SAY HI, & 笑O既, 你教我我也做不到. 你不覺得奇怪嗎? 為何我會突然做到呢? 係因為上面所講, 我發現左即使佢約我, 我無特別開心, 有同事一齊JOIN 食飯, 破壞了撐台腳大計, 我又無咩野咁.... 原來我的世界不止他一個. 到我決定辭職, 我竟然無唸過佢, 無唸過辭左職後會見唔到面..... 我心裡只覺得不服氣, 公司不好就要走. 奇怪嗎? 我自己都覺得奇. 正因為咁, 我可以完全無野咁同佢講野, SAY HI 囉.

今日, 我開始搵工, 我唸既係, 我要一份咩工呢? 心裡不斷想著的是, 不開心要走了, 份工要咩條件呢? 哈哈, 以前在唸時, 我會唸佢, 轉左工就見不到了. 這已是從前的事.

無錯, 雖則如此, 我仍好在意他怎看我, 唸咩等. 比D 時間我, 我知我會OK的.
畢竟, 佢已心有所屬, 都講明唔係我啦. 你不知道了, 這個消息係我早上知, 我唔開心了三小時啦, 當我同我老闆講完野後, 我竟然唔記得佢心有所屬....
不知你會否明白我而家的心情, 我的確很DOWN, 因為工作, 因為前境..........唉!

HATE 妹, 我睇咗妳 PM 勒, 好長 .....

我暫時唔逐一回應住, 但總括黎講:
1. 好多人都好介意其他人點睇自己 ~ 要"型" ~
2. 好多男人都唔介意多 D 女仔鍾意自己, 亦會做 D 野令其他女仔(無論自己係咪真心鍾意)有曖昧o既感覺 ... 佢地會享受果種感覺 ~
3. 雖然我唔係靚仔, 但, 我都算係"橫" .... 架 ~ :smile_o11:

步妹, 雖然妳今次講到同佢淡晒咁 ... 但, 之前妳形容相同o既事情事, 並唔係咁淡 lor ~
所以, 我對妳呢種"淡", 都係有所保留先 ~ :smile_13:

總之, 淡又好, 唔淡又好, 妳最大問題, 就係自己都唔自己真正想點 ~
妳要了解自己多 d, 再講出妳想點, 我地先俾到意見妳麻 ~ :smile_45:  

仲有, 我想一次過同妳地兩個講：

妳地形容對方眼神時, 夾雜咗太多自己o既諗法 .... 咁樣好易帶我地睇o既人走去妳o既諗法 ... :smile_13:
不過 ... 又真係唔知點樣可以用客觀o既方法黎形容對方 wor ... 可能, 影張相會比較好 ... :smile_30:

好勒, 今次講住咁多先, 我 .... :smile_13:

我 .... 要走勒 ~ 冇咁快返黎 ... 唔駛等我門勒 ~ :smile_38:

我去邊 ? 哈 ~ 步妹 ~ 我快妳一步, "北上" lu :smile_44: ~~~ 家陣就係要執野攪到咁"早"仲上黎留言呢 ~
我諗, 可能要一個禮拜後先會再上黎勒 ~

:smile_o07: